يتاليادا ازاماتتىق الۋ جەڭىلدەۋى مۇمكىن

ەڭ ءبىرىنشى ماسەلە – ازاماتتىق الۋ ەرەجەلەرىن جەڭىلدەتۋ, دەپ حابارلايدى Qandastar.kz اقپارات پورتالى Le Monde باسىلىمىنا سىلتەمە جاساپ.

زاڭ قابىلدانسا, يتاليادا دۇنيەگە كەلگەن شەتەلدىك بالالارعا ازاماتتىق الۋ الدەقايدا وڭاي بولادى. سونداي-اق ازاماتتىق الۋ ءۇشىن ەلدە تۇرۋ مەرزىمى 10 جىلدان 5 جىلعا دەيىن قىسقارتىلماق. ەكىنشى ماسەلە – ەڭبەك رەفورمالارىنا قاتىستى. ەندى قىزمەتكەرلەردى جۇمىستان شىعارۋ شارالارى قاتاڭداتىلىپ, جۇمىستان بوساتىلعان جاعدايدا تولەم مولشەرى كوبەيەدى.

رەفەرەندۋمدى كاسىپوداقتار مەن وپپوزيتسيالىق پارتيالار جۇرگىزەدى. ول زاڭدى بولۋى ءۇشىن حالىقتىڭ كەمىندە تەڭ جارتىسى داۋىس بەرۋگە قاتىسۋى كەرەك.  دەسە دە «يتاليانىڭ باۋىرلاستارى» وڭشىل پارتياسى بۇل باستاماعا ءۇزىلدى-كەسىلدى قارسى.

پارتيا وكىلدەر: «قازىرگى جۇيە تاماشا, ەشتەڭەنى وزگەرتۋدىڭ قاجەتى جوق. ەڭ اشىق, تاماشا زاڭ, ويتكەنى ءبىز جىلدار بويى جىل سايىن ەڭ كوپ ازاماتتىق بەرەتىن ەۋروپالىق ەلدەردىڭ قاتارىندامىز» – دەپ مالىمدەدى.

ەۋروپالىق وداقتىڭ ستاتيستيكاسى بويىنشا 2023 جىلى 213 500-دەن استام ادام يتاليا ازاماتتىعىن العان. بۇل 2020 جىلمەن سالىستىرعاندا ەكى ەسە كوپ جانە ەۋروپالىق وداقتىڭ جالپى سانىنىڭ بەستەن ءبىرى. ازاماتتىق العانداردىڭ 90 پايىزدان استامى البانيا مەن ماروككودان, سونداي-اق ارگەنتينا مەن برازيليادان – ۇلكەن يتالياندىق يمميگرانتتار قاۋىمداستىعى بار ەكى ەلدەن كەلگەن ازاماتتار.