Italııada azamattyq alý jeńildeýi múmkin

Eń birinshi másele – azamattyq alý erejelerin jeńildetý, dep habarlaıdy Qandastar.kz aqparat portaly Le Monde basylymyna silteme jasap.

Zań qabyldansa, Italııada dúnıege kelgen sheteldik balalarǵa azamattyq alý áldeqaıda ońaı bolady. Sondaı-aq azamattyq alý úshin elde turý merzimi 10 jyldan 5 jylǵa deıin qysqartylmaq. Ekinshi másele – eńbek reformalaryna qatysty. Endi qyzmetkerlerdi jumystan shyǵarý sharalary qatańdatylyp, jumystan bosatylǵan jaǵdaıda tólem mólsheri kóbeıedi.

Referendýmdy kásipodaqtar men oppozıııalyq partııalar júrgizedi. Ol zańdy bolýy úshin halyqtyń keminde teń jartysy daýys berýge qatysýy kerek.  Dese de «Italııanyń baýyrlastary» ońshyl partııasy bul bastamaǵa úzildi-kesildi qarsy.

Partııa ókilder: «Qazirgi júıe tamasha, eshteńeni ózgertýdiń qajeti joq. Eń ashyq, tamasha zań, óıtkeni biz jyldar boıy jyl saıyn eń kóp azamattyq beretin eýropalyq elderdiń qataryndamyz» – dep málimdedi.

Eýropalyq odaqtyń statıstıkasy boıynsha 2023 jyly 213 500-den astam adam Italııa azamattyǵyn alǵan. Bul 2020 jylmen salystyrǵanda eki ese kóp jáne Eýropalyq Odaqtyń jalpy sanynyń besten biri. Azamattyq alǵandardyń 90 paıyzdan astamy Albanııa men Marokkodan, sondaı-aq Argentına men Brazılııadan – úlken ıtalıandyq ımmıgranttar qaýymdastyǵy bar eki elden kelgen azamattar.