الەم جاڭالىقتارى
يتاليادا مۇراجايعا ۆانداليزم جاساعان قازاقستاندىق تۋريست ۇستالدى
فوتو: Parco Archeologico di Pompei — Ministero della Cultura
پومپەي ارحەولوگيالىق پاركىندەگى تسەەۆ ءۇيىنىڭ ەجەلگى قابىرعاسىنا «ALI» ءسوزىن جازعان قازاقستاندىق ۇستالدى. ەر ادام كەلگەن زالالدى وتەيدى.
بۇل جايىندا Euronews حابارلادى, دەپ جازادى Qandastar.kz
سەنبى كۇنى تاڭەرتەڭ قاۋىپسىزدىك قىزمەتكەرلەرىنىڭ پومپەي ارحەولوگيالىق پاركىندە ورنالاسقان تسەەۆ ۇيىندەگى اشىق سىلاققا ALI ارىپتەرىن ويىپ جازعان قازاقستاننان كەلگەن ءتۋريستى ۇستاعانىن Euronews-كە مۇراجايدىڭ پيار-كەڭسەسى حابارلاعان.
تۋريست ساۋلەت ەسكەرتكىشىنە كەلگەن زالالدىڭ ورنىن تولتىرۋى كەرەك, ال ونىڭ ناقتى سوماسى تەحنيكالىق ساراپتاما جۇرگىزىلگەننەن كەيىن بەلگىلى بولادى.
1913-1914 جىلدارى قازىلعان تسەەۆ ءۇيى – سوڭعى سامانيت كەزەڭىندەگى (ب.ز.د. II عاسىر) ەجەلگى تۇرعىن ءۇيدىڭ سيرەك كەزدەسەتىن مىسالدارىنىڭ ءبىرى.
ءۇيدى ماگيسترات لۋتسي تسەي سەكۋند يەلەنگەن دەپ سانايدى, بۇعان ءۇيدىڭ سىرتقى قاسبەتىندە جازىلعان جازۋ دالەل.
اق سىلاقپەن جانە تەكشە ۇشارباستارى بار بيىك باعانالى ءۇيدىڭ قاسبەتى سول كەزەڭدەگى بەدەلدى ادامنىڭ ءۇيى بولۋى كەرەك دەگەندى بىلدىرەدى.
