«Itti atqandaı atyp tastady»: Aqmola oblysynda MMA bapkerlerin aıýandyqpen óltirip ketti

Foto: Orda.kz

Aqmola oblysyna qarasty Aqkól qalasynda eki adam aıýandyqpen óltirildi. Olar – aralas jekpe-jek bapkerleri. Marqumnyń týystary kúdiktiler jazadan qutylyp kete me dep qorqady. Sportshynyń anasy  qandastar.kz saıtynda oqıǵanyń mán-jaıyn baıandady.

Qandy qylmys 11 tamyzdyń túninde bolǵan. Polıııa oqıǵanyń qalaı jáne ne sebepti bolǵanyn qupııa ustap otyr. Belgilisi – kúdikti birneshe er adam ustalǵan. Olardyń ústinen «birneshe adamnyń aldyn ala sóz baılasyp adam óltirýi» baby boıynsha qylmystyq is qozǵalǵan.

Qaıtys bolǵan Qaıyrbek Sábıevtiń anasynyń aıtýynsha, onyń uly dosymen birge dámhanada otyrǵanda kúdiktilerdiń tobymen sózge kelgen.

«Ekeýi de ishpeıdi, ekeýi de sportshy, dostar jáne bapkerler. Aqkólde óz mektebi bar. Ekeýi jaı ǵana demalyp otyrǵan, eshkimge kedergi keltirmegen. Sol kezde olarǵa eki jigit kelip tıise bastaǵan. Olar jergilikti buzyqtar, ne istese de jazalanbaıdy. Meniń ulym ózin qorǵaı alatyn, sondyqtan ony aýyl syrtyna shyǵyp, ıtti atqandaı atyp tastady», – deıdi marqumnyń anasy.

Qaıtys bolǵan eki jigitti Aqkólde kópshilik tanyǵan. Olar jastaıynan sportpen shuǵyldanyp, eseıgen soń bilgen-túıgenin jastarǵa úırete bastaǵan.

«Men qazir kishi ulym men jıenim úshin ýaıymdamyn. О́ıtkeni, jıenim kýáger retinde shaqyrylyp, bolǵan jaıttyń bárin polıııaǵa aıtyp berdi», – deıdi Gúljan Býrgegýlova.

Polıııa tergeýdiń qupııalyǵyna baılanysty marqumdardyń týystaryna oqıǵanyń mán-jaıyn aıtpaýdy buıyrypty.

Kúdiktiler aımaqtaǵy bedeldi azamattardyń balalary bolǵandyqtan olar jazadan qutylyp kete me dep alańdaıdy marqumdardyń týystary.

«Bul shıbóriler óte kóp, ne istesek te jazalanbaımyz dep oılaıdy. Eshqashan jalǵyz júrmeıdi, únemi top bolyp júredi. Búkil Aqkól olardy tanıdy, bári qorqady. Meniń ulym óte ádil adam edi, bálkim sonysy túbine jetken shyǵar», – dedi Qaıyrbektiń anasy.