جاڭالىقتار
ىزدەۋدە بولعان LRT-ءنىڭ بۇرىنعى باسشىسى ۇستالدى
ۇقك ءباسپاسوز قىزمەتى حالىقارالىق ىزدەۋدە جۇرگەن «استانا LRT» جشس-ءنىڭ بۇرىنعى باسشىسى تالعات اردان ۇستالعانىن مالىمدەدى, دەپ حابارلايدى qandastar.kz Skifnews.kz اقپاراتتىق پورتالىنا سىلتەمە جاساپ.
2019 جىلعى قىركۇيەكتە قازاقستان رەسپۋبليكاسىنىڭ باس پروكۋراتۋراسى تۇركيانىڭ ادىلەت مينيسترلىگىنە حالىقارالىق ىزدەۋدە جۇرگەن «استانا LRT» جشس-ءنىڭ بۇرىنعى باسشىسى, قازاقستان ازاماتى تالعات ارداندى ۇستاپ بەرۋ تۋرالى سۇراۋ جىبەرگەن بولاتىن.
وسىعان بايلانىستى تۇركيا رەسپۋبليكاسىنىڭ قۇزىرلى ورگاندارى ءتيىستى ىزدەستىرۋ شارالارىن جۇرگىزگەن. بيىل ۇقك ونىڭ ناقتى بولعان جەرىن انىقتادى, سودان كەيىن تۇركيانىڭ قۇقىق قورعاۋ ورگاندارى انتاليا قالاسىندا ۇستادى. بيىلدىڭ 9 مامىرىندا انتاليا قالاسىنىڭ سوتى تالعات ارداندى قازاقستانعا دەپورتاتسيالاۋ تۋرالى شەشىم قابىلدادى جانە ول قازىرگى ۋاقىتتا قاماۋدا.
قازاقستاننىڭ قۇزىرەتتى ورگاندارى اتالعان ادامدى قازاقستانعا قايتارۋ بويىنشا قۇقىقتىق راسىمدەردى باستادى. ەستەرىڭىزگە سالا كەتەيىك, بۇعان دەيىن استانا قالاسىنىڭ سوتى ت.ارداندى قىلمىستىق كودەكستىڭ 189-بابى 4-بولىگى جانە 361-بابى 4-بولىگى بويىنشا كىنالى دەپ تانىپ, سىرتتاي 9 جىلعا باس بوستاندىعىنان ايىرۋعا سوتتالعان.
