Izdeýde bolǵan LRT-niń burynǵy basshysy ustaldy

UQK baspasóz qyzmeti halyqaralyq izdeýde júrgen «Astana LRT» JShS-niń burynǵy basshysy Talǵat Ardan ustalǵanyn málimdedi, dep habarlaıdy qandastar.kz  Skifnews.kz aqparattyq portalyna silteme jasap.

2019 jylǵy qyrkúıekte Qazaqstan Respýblıkasynyń Bas prokýratýrasy Túrkııanyń Ádilet mınıstrligine halyqaralyq izdeýde júrgen «Astana LRT» JShS-niń burynǵy basshysy, Qazaqstan azamaty Talǵat Ardandy ustap berý týraly suraý jibergen bolatyn.

Osyǵan baılanysty Túrkııa Respýblıkasynyń quzyrly organdary tıisti izdestirý sharalaryn júrgizgen. Bıyl UQK onyń naqty bolǵan jerin anyqtady, sodan keıin Túrkııanyń quqyq qorǵaý organdary Antalıa qalasynda ustady. Bıyldyń 9 mamyrynda Antalıa qalasynyń soty Talǵat Ardandy Qazaqstanǵa deportaııalaý týraly sheshim qabyldady jáne ol qazirgi ýaqytta qamaýda.

Qazaqstannyń quzyretti organdary atalǵan adamdy Qazaqstanǵa qaıtarý boıynsha quqyqtyq rásimderdi bastady. Esterińizge sala keteıik, buǵan deıin Astana qalasynyń soty T.Ardandy Qylmystyq kodekstiń 189-baby 4-bóligi jáne 361-baby 4-bóligi boıynsha kináli dep tanyp, syrttaı 9 jylǵa bas bostandyǵynan aıyrýǵa sottalǵan.