“Izraıl bıligi meni óltirmek boldy”. Iran prezıdenti shuǵyl málimdeme jasady

Iran Prezıdenti Masýd Pezeshkıan Izraıl bıligi oǵan qastandyq jasamaq bolǵanyn, biraq sátsizdikke ushyraǵanyn málimdedi, dep habarlaıdy Qandastar.kz.

«Iá, olar (qastandyq jasaýǵa — red.) áreket etti, biraq sátsizdikke ushyrady», — dedi Iran prezıdenti amerıkalyq jýrnalıst Taker Karlsonǵa bergen suhbatynda.

Prezıdenttiń aıtýynsha, qastandyq áreketi shamamen bir jarym apta buryn jasalǵan. Ol AQSh-tyń bul iske esh qatysy joq ekenin atap ótti. Qastandyqtyń artynda Izraıl bıligi turǵanyn naqty aıtty.

«Men sol ýaqytta jınalysta boldym. Biz aldaǵy qadamdarymyzdy talqylap jatqan edik. Izraıldikter óz tyńshylarynan alǵan barlaý málimetterine súıene otyryp, biz bolǵan aýdanǵa soqqy bermek boldy. Biraq adam ómiri — Allanyń qolynda. Seriktesterim sııaqty men de Irannyń táýelsizdigi men egemendigi jolynda janymdy berýge daıynmyn», — dedi Iran prezıdenti.