الەم جاڭالىقتارى
يزرايل دوحاعا شابۋىل جاسادى
فوتو: x.com/IranObserver0
يزرايل قاتار استاناسى دوحادا حاماس-تىڭ جوعارعى باسشىلىعىنا سوققى جاسادى. جارىلىستان ۇيىم جەتەكشىلەرى قازا تاپقانى حابارلاندى. قاتار بۇل ارەكەتتى حالىقارالىق قۇقىقتى بۇزۋ دەپ ايىپتادى, دەپ حابارلايدى qandastar.kz
قاتار استاناسى دوحادا 9 قىركۇيەك كۇنى بىرقاتار كۇشتى جارىلىس بولدى. Reuters اگەنتتىگىنىڭ مالىمەتىنشە, بۇل ءيزرايلدىڭ حاماس-تىڭ جوعارى لاۋازىمدى وكىلدەرىنە باعىتتالعان اسكەري وپەراتسياسى بولعان.
Al Jazeera مەن Al Arabiya دەرەككوزدەرى سوققى حاماس دەلەگاتسياسىنا جاسالعانىن حابارلادى. ولار دوحادا اقش پرەزيدەنتى دونالد ترامپتىڭ اتىستى توقتاتۋ جونىندەگى باستاماسىنا قاتىستى كەلىسسوزدەر جۇرگىزىپ جاتقان. الدىن الا اقپاراتقا سايكەس, قازا تاپقانداردىڭ قاتارىندا حاماس-تىڭ باس كەلىسسوز جۇرگىزۋشىسى حاليل ال-حايا, ۇيىمنىڭ باتىس جاعالاۋداعى جەتەكشىسى زاحەر دجابارين, سونداي-اق حالەد ماشال مەن نيزار اۆاداللا بار.
الەۋمەتتىك جەلىلەردە جاريالانعان كادرلاردا قالانىڭ ءۇستىن قارا ءتۇتىن باسقانى بايقالادى. ءيزرايلدىڭ «12-ارناسى» رەسمي دەرەككوزگە سىلتەمە جاساپ, نىساناعا حاماس-تىڭ شتاب-پاتەرى الىنعانىن حابارلادى. يزرايل بيلىگى بۇل وپەراتسيانى «ۇيىمنىڭ جوعارعى باسشىلىعىنا باعىتتالعان ءدال سوققى» دەپ سيپاتتادى.
قاتار بيلىگى بۇل شابۋىلدى حالىقارالىق قۇقىقتى ورەسكەل بۇزۋ دەپ ايىپتادى. Reuters-ءتىڭ حابارلاۋىنشا, يزرايل اقش-تى الدىن الا ەسكەرتكەن, ال امەريكالىق ديپلوماتيالىق وكىلدىكتەر قاۋىپسىزدىك شارالارىن كۇشەيتتى.
