Izraıl Dohaǵa shabýyl jasady

Foto: x.com/IranObserver0

Izraıl Qatar astanasy Dohada HAMAS-tyń joǵarǵy basshylyǵyna soqqy jasady. Jarylystan uıym jetekshileri qaza tapqany habarlandy. Qatar bul áreketti halyqaralyq quqyqty buzý dep aıyptady, dep habarlaıdy qandastar.kz

Qatar astanasy Dohada 9 qyrkúıek kúni birqatar kúshti jarylys boldy. Reuters agenttiginiń málimetinshe, bul Izraıldiń HAMAS-tyń joǵary laýazymdy ókilderine baǵyttalǵan áskerı operaııasy bolǵan.

Al Jazeera men Al Arabiya derekkózderi soqqy HAMAS delegaııasyna jasalǵanyn habarlady. Olar Dohada AQSh prezıdenti Donald Tramptyń atysty toqtatý jónindegi bastamasyna qatysty kelissózder júrgizip jatqan. Aldyn ala aqparatqa sáıkes, qaza tapqandardyń qatarynda HAMAS-tyń bas kelissóz júrgizýshisi Halıl al-Haııa, uıymnyń Batys jaǵalaýdaǵy jetekshisi Zaher Djabarın, sondaı-aq Haled Mashal men Nızar Avadalla bar.

Áleýmettik jelilerde jarııalanǵan kadrlarda qalanyń ústin qara tútin basqany baıqalady. Izraıldiń «12-arnasy» resmı derekkózge silteme jasap, nysanaǵa HAMAS-tyń shtab-páteri alynǵanyn habarlady. Izraıl bıligi bul operaııany «uıymnyń joǵarǵy basshylyǵyna baǵyttalǵan dál soqqy» dep sıpattady.

Qatar bıligi bul shabýyldy halyqaralyq quqyqty óreskel buzý dep aıyptady. Reuters-tiń habarlaýynsha, Izraıl AQSh-ty aldyn ala eskertken, al amerıkalyq dıplomatııalyq ókildikter qaýipsizdik sharalaryn kúsheıtti.