يزرايل مەن يراننان تاعى 144 وتانداسىمىز ەۆاكۋاتسيالاندى

قازاقستان رەسپۋبليكاسىنىڭ سىرتقى ىستەر مينيسترلىگى ۇيلەستىرىلگەن ەۆاكۋاتسيالىق ءىس-شارالار شەڭبەرىندە يزرايلدەن 66 وتانداستى (مىسىر اۋماعى ارقىلى), يراننان 78 ازاماتتى (ارمەنيا ارقىلى – 73, ازەربايجان – 2, تۇرىكمەنستان – 3) شىعاردى, دەپ حابارلايدى qandastar.kz اقپارات پورتالى malim.kz سىلتەمە جاساپ.

يران جانە يزرايلدەگى قازاقستاندىق ديپلوماتتار ءوز ازاماتتارىنا قاجەتتى كونسۋلدىق-قۇقىقتىق كومەكتى قامتاماسىز ەتۋ بويىنشا جۇمىستى جالعاستىرۋدا.

قر ءسىم يزرايل, مىسىر جانە ارمەنيا بيلىگىنە ءوز ريزاشىلىعىن بىلدىرەدى, سونداي-اق قازاقستاندىقتاردى ەۆاكۋاتسيالاۋعا قولداۋ كورسەتىپ جۇرگەن يراندىق, ازەربايجان جانە تۇرىكمەن ارىپتەستەرىنە قايتا العىس ايتادى. بىرلەسكەن كۇش-جىگەردىڭ ارقاسىندا ازاماتتارىمىز ۇيلەرىنە امان-ەسەن ورالۋعا مۇمكىندىك الۋدا.