Izraıl men Sırııa atysty toqtatý týraly kelisimge keldi

Foto: Vıdeodan alynǵan kadr

Izraıl men Sırııa atysty toqtatý týraly kelisimge kelgenin jazdy juma kúni AQSh-tyń Túrkııadaǵy ókili Tom Barak X áleýmettik jelisinde, dep habarlaıdy Qandastar.kz. 

Izraıl premer-mınıstri Bınıamın Netanıahý men Sırııanyń ýaqytsha prezıdenti Ahmed ash-Sharaa amerıkalyq taraptyń qoldaýymen atysty toqtatý rejımin engizýge kelisti.

Izraıl premer-mınıstri… jáne Sırııa prezıdenti… AQSh Memlekettik hatshysy Marko Rýbıonyń qoldaýymen atysty toqtatý týraly kelisimge keldi, — delingen habarlamada.

Bul sheshimdi Túrkııa, Iordanııa jáne onyń kórshileri qoldady. Buǵan deıin Túrkııa parlamenti Izraıldiń Sırııaǵa jasaǵan shabýyldaryn aıyptap, resmı Damask pen beıbit turǵyndardy qoldaıtynyn aıtqan bolatyn.

15 shildede Sırııa úkimeti birneshe kúnnen beri bedýın jasaqtary men drýz qarýly toptary arasynda aýqymdy qaqtyǵystar bolyp jatqan ońtústiktegi As-Sýveıda provınııasyna ásker jiberdi. Sırııadaǵy adam quqyqtaryn baqylaý ortalyǵy kem degende 102 adamnyń qaza tapqanyn habarlady. Sonymen qatar, Izraıl Sırııa qarýly kúshteriniń bas shtabyna soqqy berdi.