ءيزرايلدىڭ تەگەرانعا جاساعان شابۋىلى سالدارىنان يران پرەزيدەنتى جاراقات الدى – باق

فوتو: ۆياچەسلاۆ پروكوفەۆ/ريا نوۆوستي

16 ماۋسىمدا ءيزرايلدىڭ تەگەرانعا جاساعان شابۋىلى كەزىندە يران پرەزيدەنتى ماسۋد پەزەشكياننىڭ جارالانعانى تۋرالى اقپارات تارادى, دەپ جازدى qandastar.kz

 بۇل تۋرالى Stan.kz اقپارات اگەنتتىگى ربك باسىلىمىنا سىلتەمە جاساپ حابارلايدى.

Fars باسىلىمىنىڭ مالىمەتىنشە, يران پرەزيدەنتى 16 ماۋسىم كۇنى جارالانعان. شابۋىل يران استاناسىنىڭ باتىس بولىگىندەگى عيماراتتا ەلدىڭ جوعارى لاۋازىمدى شەنەۋنىكتەرى قاتىسقان ۇلتتىق قاۋىپسىزدىك جوعارعى كەڭەسىنىڭ وتىرىسى ءوتىپ جاتقان كەزدە بولعان.

اسكەر عيماراتتىڭ كىرەبەرىس بولىگىن نىساناعا العان. سالدارىنان شەنەۋنىكتەر اپاتتىق ليۋك ارقىلى سىرتقا شىعۋعا ءماجبۇر بولعان. ولاردىڭ كەيبىرى, سونىڭ ىشىندە پرەزيدەنت پەزەشكيان اياقتارىنان جاراقات الدى.

ەسكە سالايىق, 13 ماۋسىمعا قاراعان ءتۇنى يزرايل اسكەري كۇشتەرى يرانعا سوققى جاسادى. جەرگىلىكتى بۇقارالىق اقپارات قۇرالدارى تەگرانداعى جارىلىستار تۋرالى جازدى. يزرايلدە توتەنشە جاعداي جاريالانىپ, قورعانىس ءمينيسترى يواۆ گالانت ەلدىڭ يران تاراپىنان زىمىراندار مەن دروندار ارقىلى جاۋاپ سوققىسىن كۇتىپ وتىرعانىن ايتتى.

بۇعان قوسا, يزرايل قورعانىس ارمياسى مىڭداعان رەزەرۆيستىڭ موبيليزاتسيالاعانىن جانە پالەستينالىق قالالاردىڭ اينالاسىنا قورعانىس شەبى ورناتىلاتىنىن حابارلادى. سونداي-اق تساحال يسلام رەۆوليۋتسياسى ساقشىلارى كورپۋسىنىڭ اۋە كۇشتەرى باسشىلىعىن, سونىڭ ىشىندە قولباسشى الي حادجيزادەنى قازا تاپقانىن مالىمدەدى.

سونىمەن قاتار ءيزرايلدىڭ يراندا كوپ جىلدار بويى جاسىرىن وپەراتسيالار جۇرگىزىپ كەلگەنى بەلگىلى بولدى.  ال دونالد ترامپ يراندى يادرولىق كەلىسىمگە قول قويۋعا شاقىرىپ, ء“بارى كەش بولماي تۇرعاندا” ارەكەت ەتۋگە شاقىردى.