Jańalyqtar
«Ioý, orystar» degen ándi shyrqaǵan almatylyq belsendi 10 táýlikke qamaýǵa alyndy
Foto: ashyq derekkóz
Almatynyń ákimshilik soty belsendi Marııa Kochnevany mýzykalyq festıvalde «Ioý, orystar» degen ándi shyrqaǵany úshin 10 táýlikke qamaýǵa aldy. Bul týraly Stan.kz aqparat agenttigi habarlaıdy.
Sot Kochnevany usaq buzaqylyq jasaǵany úshin kináli dep tapty. Onyń ústinen usaq buzaqylyq baby boıynsha is qozǵalyp, ákimshilik sotqa jiberildi. Bap boıynsha 10 AEK (36,9 myń teńge) kóleminde aıyppul salý nemese on táýlikke deıin ákimshilik qamaqqa alý qarastyrylǵan.
«Men óz sózimde eshqandaı jaman nıet aıtqan joqpyn. Bul shyn máninde TikTok jelisinde trendtegi án. Men onyń mazmunyn bilmeımin», – dedi Kochneva.
Aıta keteıik, buǵan deıin Almaty qalasynyń turǵyny Marııa Kochneva frıstaıl repte reseılikterge qarsy án shyrqaǵany úshin Almaly aýdandyq ishki ister bólimine shaqyrylǵan edi.
Qyzdyń dosy Temirlan Eńsebektiń sózinshe, Marııany polıııa departamentine soǵysqa qarsy án shyrqaǵany úshin shaqyrǵan.
Eńsebek bul ándi Kochneva ekeýi Ýkraınadaǵy soǵysty eske túsirý úshin oılap tapqanyn aıtqan edi.
Kochneva oryndaǵan án Ýkraınada soǵys bastalǵannan keıin trendke aınalǵan. BAQ-ta tanymal bolǵany sonsha, án barlyq áleýmettik jelilerde birinshi orynǵa ıe bolǵan.
