ق. بيشىمباەۆ: نۇكەنوۆانىڭ ولىمىنە قاتىسىم بار

كەزەكتى سوت وتىرىسىندا كۇدىكتى قۋاندىق بيشىمباەۆ وزىنە تاعىلعان «اسا قاتىگەزدىكپەن ادام ءولتىردى» دەگەن ايىپپەن كەلىسپەدى.

بىراق, سالتانات نۇكەنوۆانىڭ ولىمىنە قاتىسى بار ەكەنىن مويىندادى. بۇرىنعى مينيستر قايعىلى وقيعادان كەيىن 5 اي بويى مارقۇمنىڭ تۋعان-تۋىستارى الەۋمەتتىك جەلىدە وعان قارسى ناۋقان ۇيىمداستىرعانىن دا ايتتى. «سوندىقتان قورعانۋىما تۋرا كەلەدى», — دەدى بيشىمباەۆ. ريات شوني, ءتىلشى: — استادانا ەكس-مينيستر قۋاندىق بيشىمباەۆقا قاتىستى القابيلەردىڭ قاتىسۋىمەن سوت پروتسەسسى جالعاسىپ جاتىر. بۇگىن ايىپتالۋشى تاراپتىڭ ادۆوكاتتارىنىڭ بىرنەشە مارتە وتىنىشىنەن كەيىن سوت اقىرى بيشىمباەۆتان جاۋاپ الدى.

ەكس-شەنەۋنىكتىڭ سوزىنشە, ول وزىنە تاعىلعان ايىپتارمەن, ياعني, اسا قاتىگەزدىكپەن ادام ءولتىردى دەگەن كىنانى مويىندامايدى. بىراق, سالتانات نۇكەنوۆانىڭ ولىمىنە ءوزىنىڭ قاتىسى بار ەكەندىگىن ايتتى. «قۋاندىق بيشىمباەۆتىڭ ادۆوكاتتارى ءاۋ باستان, بۇل باپتى «ابايسىزدا ادام ءولتىردى» دەپ اۋىستىرۋدى سۇراپ كەلەدى. ءتىپتى وعان مارقۇمنىڭ دەنەسىندەگى جاراقاتتار دا دالەل», — دەيدى قورعاۋشىلار. ءلايلا رامازانوۆا, ق. بيشىمباەۆتىڭ ادۆوكاتى: — ءبىزدىڭ قورعاۋىمىزداعى ادام اسا قاتىگەزدىكپەن كىسى ولتىرگەن جوق. وعان ناقتى سەنىمدىمىز. ايىپتاۋ اكتىسىندە مارقۇم جەڭىل جاراقاتتار الدى دەلىنگەن. بىراق, بيشىمباەۆ بۇل وقيعاعا ءوزىنىڭ قاتىسى بار ەكەنىن مويىندايدى. قۋاندىق بيشىمباەۆ مارقۇممەن قالاي تانىسقانىن جانە اراداعى قاتىناسى قانداي بولعاندىعىن ەگجەي-تەگجەيلى بايانداپ بەردى. «ايىپتالۋشى ايلار بويى سالتانات نۇكەنوۆانىڭ تۋعان-تۋىستارى الەۋمەتتىك جەلىدە وعان قارسى پيار-ناۋقان جۇرگىزدى دەپ وتىر. سوندىقتان قۇقىقتارىمدى قورعاۋىما تۋرا كەلەدى», — دەيدى كۇدىكتى. قۋاندىق بيشىمباەۆ, ايىپتالۋشى: — مەن ءوزىمدى قاساقانا اسقان قاتىگەزدىكپەن ادامدى ءولتىردىم دەگەن ايىپپەن كەلىسپەيمىن. بيشىمباەۆ جارىنىڭ تويدان كەيىن مۇلدەم باسقا ادامعا اينالعاندىعىن ايتادى. بولىمسىز نارسەگە قىزعاناتىن دەيدى. ال مارقۇمنىڭ اعاسى قايرات نۇكەنوۆ بيشىمباەۆ جازادان قاشىپ قۇتىلۋدىڭ ارەكەتىن جاساپ وتىر دەدى. قايرات نۇكەنوۆ, مارقۇمنىڭ اعاسى: — بىردەڭە ءبۇلدىردىڭ با? ەركەكشە جاۋاپ بەر.

ال قازىر بيشىمباەۆ سوت وتىرىسىندا كونتسەرت ۇيىمداستىرىپ وتىر. ول سوتقا دا, جابىرلەنۋشى تاراپقا دا نەمقۇرايلى قارايدى.

ەكس-مينيسترگە قاتىستى سوت پروتسەسسى ءالى جالعاسىپ جاتىر. قۋاندىق بيشىمباەۆتىڭ ءىسى القابيلەردىڭ قاتىسۋىمەن وتۋدە. مۇنى زاڭ بويىنشا ايىپتالۋشى تاراپ ءوزى سۇراعان بولاتىن. ونىڭ ۇستىنە قوعامدا رەزونانس تۋدىرعان ىسكە قاتىستى وتىرىس جوعارعى سوتتىڭ يۋتۋب ارناسىندا دا تىكەلەي كورسەتىلۋدە.