جاڭالىقتار
ق. توقاەۆ XXXIII جازعى وليمپياداعا دايارلىقتىڭ جاۋاپكەرشىلىگىن اتاپ ءوتتى
كەزدەسۋدە مەملەكەت باسشىسى ۇلتتىق وليمپيادا كوميتەتىنىڭ الداعى جۇمىسىنىڭ باسىم باعىتتارىنا نازار اۋداردى. قازاقستان پرەزيدەنتى, ەڭ الدىمەن, حالىقارالىق وليمپيادا كوميتەتى اياسىنداعى سەنىمدى جانە ءتيىمدى قارىم-قاتىناستى نىعايتۋ ماڭىزدى ەكەنىن ايتتى.
قاسىم-جومارت توقاەۆ ۇلتتىق قۇرامالارداعى سپورتشىلاردىڭ الداعى XXXIII جازعى وليمپيادا ويىندارىنا دايارلىعىنا قاتىستى زور جاۋاپكەرشىلىك جۇكتەلەتىنىن اتاپ ءوتتى. سونىمەن قاتار ليتسەنزيالار سانىن كوبەيتۋ جانە پاريج وليمپياداسىندا ەلەۋلى ناتيجەگە قول جەتكىزۋ ءۇشىن ءتيىمدى جۇيە قۇرۋ ماڭىزدى مىندەت ەكەنىنە توقتالدى. مەملەكەت باسشىسىنىڭ ايتۋىنشا, ءوز الەۋەتىن تانىتۋ ءۇشىن سپورتشىلارعا بارىنشا قولايلى جاعداي جاساپ, وتاندىق سپورتتىڭ وركەندەۋىنە كەرى اسەر ەتەتىن جاعىمسىز قۇبىلىستاردى جويۋ قاجەت.
سونداي-اق ۇلتتىق قۇراماعا سپورتشىلاردى ىرىكتەۋ ءادىل جۇرگىزىلۋى كەرەك. كەزدەسۋ سوڭىندا قاسىم-جومارت توقاەۆ گەننادي گولوۆكيننىڭ كاسىبيلىگى مەن مول تاجىريبەسى ەلىمىزدەگى وليمپيادالىق سپورت تۇرلەرىن دامىتۋدىڭ وزەكتى ماسەلەلەرىن ءتيىمدى شەشۋگە ىقپال ەتەتىنىنە سەنىم ءبىلدىردى.
