«Qaı júzden ekenin suraıdy». Qazaqstanda áıelder sperma donoryn qalaı tańdaıdy?

Foto: Tengrinews.kz / Turar Qazanǵapov

Reprodýktıvti medıına ınstıtýtynyń ýrolog-androlog dárigeri Roman Bezrýkov Qazaqstanda sperma donory bolý jaıly birneshe mańyzdy suraqqa jaýap berdi, — dep habarlaıdy Massaget.kz tilshisi «Tengrinews.kz«-ke silteme jasap.

Ýrolog qandaı er adamdar sperma donory bola alatynyn aıtty.

«Ol 18-35 jas aralyǵyndaǵy deni saý er adam bolýy kerek. Sondaı-aq onyń sozylmaly aýrýlary men zııandy ádetteri bolmaýy kerek. Er adam tolyqqandy tekseristen soń ǵana donor bolýǵa jiberiledi», — deıdi ol.

Dáriger kópshilik er adam aqshasy úshin donor bolatynyn jasyrmady.

«Bir ret sperma porııasyn tapsyrý 40 myń teńge turady. Ustap qalatyn salyǵyn eseptegende, qolǵa 36 myń teńge alady. Alaıda odan bıznes jasaý múmkin emes. Biz maksımým 20-25 porııa qatyryp qoıa alamyz. Odan dúnıege kelgen bala sany 10-ǵa jetkende, qalǵan sperma porııasy joıylady», — deıdi Roman Bezrýkov.

Áıel donordyń sýretin kóre almaıdy. Alaıda eger donor qarsy bolmasa, onyń bala kezindegi sýretin kórsete alady.

«Qazaqtar úshin boıy, shashynyń túsi jáne basqa da belgilerden bólek er adamnyń qaı júzden ekenin bilý mańyzdy. Al orystar onyń shashynyń qoıý nemese ashyq ekenin bilgisi keledi. Biz donorlardyń júzin surap, jazyp alamyz. Ádette biz donor spermasyn otbasyly juptarǵa beremiz. Ásirese, er adam bedeýligi bar nemese mansap jolynda júrip, reprodýktıvti jasty ótkizip alǵan áıeli bar otbasylarǵa beremiz. Jıi jasy ulǵaıǵan áıelder keledi. Qazir keletin jalǵyzbasty áıelder de kóp», — dedi ýrolog-androlog.