«قايرات, ءابدىجاپپار ۇشەۋمىز ءبىر جەردە وتىردىق»: تۇرسىنبەك قاباتوۆ ازىلىمەن ەلدى كۇلدىرتتى

ۇشاق بورتىندا بەيادەپ سوزدەر ايتقانى ءۇشىن 5 تاۋلىككە قامالعان تۇرسىنبەك قاباتوۆ تەمىر توردان شىعا سالا ۇلكەن كونتسەرت بەردى. ونەر يەسى ءوزىنىڭ جانە ونەردەگى ىنىلەرى قايرات نۇرتاس پەن ءابدىجاپپار القوجانىڭ جاعدايى تۋرالى ازىلدەپ, ەلدى كۇلدىردى,-دەپ حابارلايدى Qandastar.kz

تۇرسىنبەك قاباتوۆتىڭ اباقتىعا قامالعانى تۋرالى ازىلدەگەن ۆيدەوسى Instagram جەلىسىندە تاراپ كەتتى. وندا ازىلكەش قايرات نۇرتاس پەن ءابدىجاپپار القوجا ۇشەۋى تەمىر تورعا قالاي تۇسكەنىن ايتقان.

«نەگىزى جاقسى سويلەۋ كەرەك ەكەن. قايرات, ءابدىجاپپار ۇشەۋىمىز ءبىر جەردە وتىردىق قوي. كونتسەرتتەردەن, توي-تومالاقتاردان شارشاپ كەتتىك. ء«بىر دەمالۋ كەرەك ەدى» دەپ اڭگىمەلەسىپ وتىرعانبىز. نەگىزى دەمالاتىن باسقا جەردى ويلاعانبىز. انا جاقتى ويلامادىق. ءسويتىپ دەمالىپ كەلدىك. مەن بەس كۇن سۇراپ الدىم. قايرات قاتتى شارشاعان-اۋ 15 كۇن سۇراپ الدى. ءابدىجاپپار 10 كۇن الىپتى. نەگزى جاقسى جىگىتتەر عوي. ەركە جەگىتتەردى حالىق قولداپ جاتىر. جىگىتتەر دەمالىپ جاتىر», – دەدى قاباتوۆ.

ايتا كەتەيىك, 28 ماۋسىم كۇنى تۇرسىنبەك قاباتوۆتىڭ 5 تاۋلىككە قامالعانى بەلگىلى بولدى. ونەر يەسى ۇشاق بورتىندا ماس كۇيدە ادەپسىز سوزدەر ايتقانى ءۇشىن جازالانعان. ال 5 شىلدەدە وتاندىق ەسترادا جۇلدىزى قايرات نۇرتاستىڭ ۇستىنەن ءىس قوزعالعانى تۋرالى اقپارات تارادى. ءدال سول كۇنى حالىقتىڭ سۇيىكتى انشىسىنە قاتىستى سوت وتىرىسى ءوتتى. شوۋ-بيزنەس وكىلى ۇشاق بورتىندا ۇساق بۇزاقىلىق جانە دەنساۋلىققا قاساقانا جەڭىل زيان كەلتىرگەنى ءۇشىن كىنالى تانىلدى. وعان 15 تاۋلىككە قاماۋعا الۋ جازاسى تاعايىندالدى.