«Qaırat, Ábdijappar úsheýmiz bir jerde otyrdyq»: Tursynbek Qabatov ázilimen eldi kúldirtti

Ushaq bortynda beıádep sózder aıtqany úshin 5 táýlikke qamalǵan Tursynbek Qabatov temir tordan shyǵa sala úlken konert berdi. О́ner ıesi óziniń jáne ónerdegi inileri Qaırat Nurtas pen Ábdijappar Álqojanyń jaǵdaıy týraly ázildep, eldi kúldirdi,-dep habarlaıdy Qandastar.kz

Tursynbek Qabatovtyń abaqtyǵa qamalǵany týraly ázildegen vıdeosy Instagram jelisinde tarap ketti. Onda ázilkesh Qaırat Nurtas pen Ábdijappar Álqoja úsheýi temir torǵa qalaı túskenin aıtqan.

«Negizi jaqsy sóıleý kerek eken. Qaırat, Ábdijappar úsheýimiz bir jerde otyrdyq qoı. Konertterden, toı-tomalaqtardan sharshap kettik. «Bir demalý kerek edi» dep áńgimelesip otyrǵanbyz. Negizi demalatyn basqa jerdi oılaǵanbyz. Ana jaqty oılamadyq. Sóıtip demalyp keldik. Men bes kún surap aldym. Qaırat qatty sharshaǵan-aý 15 kún surap aldy. Ábdijappar 10 kún alypty. Negzi jaqsy jigitter ǵoı. Erke jegitterdi halyq qoldap jatyr. Jigitter demalyp jatyr», – dedi Qabatov.

Aıta keteıik, 28 maýsym kúni Tursynbek Qabatovtyń 5 táýlikke qamalǵany belgili boldy. О́ner ıesi ushaq bortynda mas kúıde ádepsiz sózder aıtqany úshin jazalanǵan. Al 5 shildede otandyq estrada juldyzy Qaırat Nurtastyń ústinen is qozǵalǵany týraly aqparat tarady. Dál sol kúni halyqtyń súıikti ánshisine qatysty sot otyrysy ótti. Shoý-bıznes ókili ushaq bortynda usaq buzaqylyq jáne densaýlyqqa qasaqana jeńil zııan keltirgeni úshin kináli tanyldy. Oǵan 15 táýlikke qamaýǵa alý jazasy taǵaıyndaldy.