«قايرات» العاش رەت چەمپيوندار ليگاسىنىڭ توپتىق كەزەڭىنە شىقتى

فوتو: fckairat.com

الماتىلىق «قايرات» تاريحي جەتىستىككە قول جەتكىزدى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

چەمپيوندار ليگاسىنىڭ پلەي-وفف كەزەڭىندە قازاقستاندىق كلۋب شوتلانديالىق «سەلتيككە» قارسى ويناپ, توپتىق كەزەڭگە جولداما الدى.

الماتىدا وتكەن جاۋاپتى ماتچتىڭ نەگىزگى جانە قوسىمشا ۋاقىتى تەڭ ناتيجەمەن اياقتالدى — 0:0. ەكى كەزدەسۋدىڭ قورىتىندىسى بويىنشا دا ەسەپ اشىلماعاندىقتان, جەڭىمپاز پەنالتي سەرياسىندا انىقتالدى.

11 مەترلىك ايىپ دوبىن ورىنداۋ كەزىندە «قايرات» ويىنشىلارىنىڭ جۇيكەسى مىقتىراق بولىپ شىقتى. مارتىنوۆيچ, اراد جانە سوروكين ءوز سوققىلارىن ءساتتى جۇزەگە اسىردى. قاقپاشى بىرنەشە سوققىنى قايتارىپ, كومانداسىن العا شىعاردى. قورىتىندى ەسەپ — 3:2.

وسىلايشا, «قايرات» العاش رەت ۋەفا چەمپيوندار ليگاسىنىڭ توپتىق كەزەڭىنە شىقتى. ال «سەلتيك» ەندى ەۋروپا ليگاسىندا ونەر كورسەتەدى.