«Qaırat» alǵash ret Chempıondar lıgasynyń toptyq kezeńine shyqty

Foto: fckairat.com

Almatylyq «Qaırat» tarıhı jetistikke qol jetkizdi, dep jazdy qandastar.kz

Bul týraly Stan.kz aqparat agenttigi habarlaıdy.

Chempıondar lıgasynyń pleı-off kezeńinde qazaqstandyq klýb shotlandııalyq «Seltıkke» qarsy oınap, toptyq kezeńge joldama aldy.

Almatyda ótken jaýapty matchtyń negizgi jáne qosymsha ýaqyty teń nátıjemen aıaqtaldy — 0:0. Eki kezdesýdiń qorytyndysy boıynsha da esep ashylmaǵandyqtan, jeńimpaz penaltı serııasynda anyqtaldy.

11 metrlik aıyp dobyn oryndaý kezinde «Qaırat» oıynshylarynyń júıkesi myqtyraq bolyp shyqty. Martynovıch, Arad jáne Sorokın óz soqqylaryn sátti júzege asyrdy. Qaqpashy birneshe soqqyny qaıtaryp, komandasyn alǵa shyǵardy. Qorytyndy esep — 3:2.

Osylaısha, «Qaırat» alǵash ret ÝEFA Chempıondar lıgasynyń toptyq kezeńine shyqty. Al «Seltık» endi Eýropa lıgasynda óner kórsetedi.