قايرات بورانباەۆ فۋتبول فەدەراتسياسى اتقارۋشى كوميتەتىنىڭ مۇشەسى بولدى

ادىلەت بارمەنقۇلوۆ 2024 جىلى فەدەراتسيا اتقارعان جۇمىس جايلى ەسەپ بەردى, دەپ جازادى qandastar.kz

فەدەراتسيانىڭ استانادا وتكەن كونفەرەنتسياسىندا قفف جارعىسىنا وزگەرىستەر مەن تولىقتىرۋلار ەنگىزۋ, قارجى ەسەبىن بەكىتۋ جانە قفف اتقارۋشى كوميتەتىنىڭ قۇرامىن وزگەرتۋ تۋرالى ماسەلەلەر قارالدى.اتقارۋشى كوميتەت مۇشەلىگىنە «قايرات» فۋتبول كلۋبىنان قايرات بورانباەۆ الىندى.

جيىندا قفف پرەزيدەنتى ادىلەت بارمەنقۇلوۆ 2024 جىلى فەدەراتسيا اتقارعان جۇمىس جايلى ايتتى.

«ماڭىزدى شەشىمنىڭ الدىندا تۇرمىز: قازاقستاندا تولىققاندى فۋتبول بيزنەس-يندۋسترياسىن قۇرۋ. ماقساتىمىز – كاسىبي فۋتبولدى دامىتىپ قانا قويماي, ونىڭ اينالاسىندا تۇراقتى بيزنەس قۇرۋ. بۇگىندە حالىقارالىق پراكتيكانى ءبىزدىڭ نارىققا ىڭعايلاپ, ءوز نارىعىمىزدى قۇرىپ جاتىرمىز. بۇل بىلىكتى فۋتبول ماماندارىن دايىنداپ, ساپالى ينفراقۇرىلىم, مەدياونىمدەر مەن ترانسفەرلىك نارىقتى دامىتۋدى تالاپ ەتەدى.

مەملەكەت فۋتبولدىڭ دامۋىنا بەلسەندى كومەكتەسىپ, ونىڭ قوعامداعى ءرولىنىڭ ماڭىزىن مويىندايدى. بۇل ۇلتتىڭ دەنساۋلىعىنا وڭ اسەر تيگىزىپ, قىلمىس دەڭگەيىنىڭ تومەندەۋىنە ىقپال ەتەدى. سوڭعى ءبىر جىلدا ءبىزدىڭ سالعان ينۆەستيتسيامىزدان قوعامدىق قايتارىم 536 ميلليون ەۋرونى قۇراپ, 1,8 ميلليارد ەۋروعا دەيىن ءوسۋ مۇمكىندىگىن بەرەدى.

مەملەكەت باسشىسى ەل بويىنشا ءىرى ستاديونداردى سالۋدى تاپسىردى. وسى ارقىلى ينفراقۇرىلىم ماسەلەلەرى شەشىلەدى. ال ءبىز ءوز تاراپىمىزدان 100% دايىن بولۋىمىز قاجەت», – دەدى بارمەنقۇلوۆ.