Qaırat Boranbaev Fýtbol federaııasy atqarýshy komıtetiniń múshesi boldy

Ádilet Barmenqulov 2024 jyly federaııa atqarǵan jumys jaıly esep berdi, dep jazady qandastar.kz

Federaııanyń Astanada ótken konferenııasynda QFF jarǵysyna ózgerister men tolyqtyrýlar engizý, qarjy esebin bekitý jáne QFF atqarýshy komıtetiniń quramyn ózgertý týraly máseleler qaraldy.Atqarýshy komıtet músheligine «Qaırat» fýtbol klýbynan Qaırat Boranbaev alyndy.

Jıynda QFF prezıdenti Ádilet Barmenqulov 2024 jyly federaııa atqarǵan jumys jaıly aıtty.

«Mańyzdy sheshimniń aldynda turmyz: Qazaqstanda tolyqqandy fýtbol bıznes-ındýstrııasyn qurý. Maqsatymyz – kásibı fýtboldy damytyp qana qoımaı, onyń aınalasynda turaqty bıznes qurý. Búginde halyqaralyq praktıkany bizdiń naryqqa yńǵaılap, óz naryǵymyzdy quryp jatyrmyz. Bul bilikti fýtbol mamandaryn daıyndap, sapaly ınfraqurylym, medıaónimder men transferlik naryqty damytýdy talap etedi.

Memleket fýtboldyń damýyna belsendi kómektesip, onyń qoǵamdaǵy róliniń mańyzyn moıyndaıdy. Bul ulttyń densaýlyǵyna oń áser tıgizip, qylmys deńgeıiniń tómendeýine yqpal etedi. Sońǵy bir jylda bizdiń salǵan ınvestıııamyzdan qoǵamdyq qaıtarym 536 mıllıon eýrony qurap, 1,8 mıllıard eýroǵa deıin ósý múmkindigin beredi.

Memleket basshysy el boıynsha iri stadıondardy salýdy tapsyrdy. Osy arqyly ınfraqurylym máseleleri sheshiledi. Al biz óz tarapymyzdan 100% daıyn bolýymyz qajet», – dedi Barmenqulov.