جاڭالىقتار
قايرات بورانباەۆتىڭ بيزنەستەگى سەرىكتەسىنە ىزدەۋ جاريالاندى
فوتو: فوربس
قايرات بورانباەۆتىڭ بيزنەس سەرىكتەسىنە ىزدەۋ جاريالاندى, دەپ جازلى qandastar.kz
ول كىم, نە ءۇشىن ىزدەۋ جاريالاندى? Dalanews.kzماتەريالىندا.
كاسىپكەردىڭ قايرات بورانباەۆقا نە قاتىسى بار?
NEF Qazaqstan كومپانياسىنىڭ قۇرىلتايشىسى ءارى باسشىسى تارىك ۆولكان وسكايعا ىزدەۋ جاريالاندى. اقپارات قۇقىقتىق ستاتيستيكا ورگاندارىنىڭ پورتالىندا پايدا بولدى. بۇل ءىس 18 ساۋىردە الماتىدا تىركەلگەن.
تۇركيانىڭ تۋماسى تارىك ۆولكان وسكاي قايرات بورانباەۆپەن بىرگە زاڭسىز ساتىپ الىنعان اكتيۆتەردى قايتارۋ شەڭبەرىندە مەملەكەتكە بەرىلگەنگە دەيىن Comfort Hotel Astana قوناقۇي كەشەنىن باقىلاعان «رويال كومفورت استانا» كومپانياسىنا يەلىك ەتكەن.
وعان قوسا قۇرىلتايشىسى بورانباەۆ سانالاتىن «المالى» (Almaly Assets Management) اكتيۆتەردى باسقارۋ كومپانياسىندا جۇمىس ىستەگەن.
تۇرىك كاسىپكەرى نە ءۇشىن ىزدەستىرىلىپ جاتقانى ازىرگە بەلگىسىز.
قايرات بورانباەۆ پەن تارىك ۆولكان وسكاي بىرلەسىپ يەلەنگەن Comfort Hotel Astana قوناقۇي كەشەنى بىلتىر جاڭا يەسىن تاپقان ەدى.
قوناقۇي «Invesco PowerShares Capital Management» جشس-ءنىڭ سەنىمگەرلىك باسقارۋىنا, ياعني امەريكالىق Invesco PowerShares كومپانياسىنىڭ قازاقستاندىق وكىلدىگىنە بەرىلدى.
NEF Qazaqstan تۋرالى
ايتا كەتەيىك, NEF Qazaqstan كومپانياسى تۇركيالىق NEF قۇرىلىس حولدينگىنىڭ قۇرامىنا كىرەدى.
2023 جىلى كۇزدە NEF Qazaqstan كومپانياسى Astana International Exchange (AIX) الاڭىندا دەفورتقا ۇشىراعان بولاتىن. كومپانيا 4 ملرد تەڭگە كولەمىندەگى نەگىزگى قارىز بەن 402 ملن تەڭگەدەن اسا كۋپوندىق تولەمدى وتەي الماعان.
بۇعان دەيىن بۇل قارجى الماتى قالاسىندا سالىنىپ جاتقان Green Center تۇرعىن ءۇي كەشەنىنە جۇمسالعانى ايتىلدى.
