Qaırat Boranbaevtyń bıznestegi seriktesine izdeý jarııalandy

Foto: forbs

Qaırat Boranbaevtyń bıznes seriktesine izdeý jarııalandy, dep jazly qandastar.kz

Ol kim, ne úshin izdeý jarııalandy? Dalanews.kzmaterıalynda.

Kásipkerdiń Qaırat Boranbaevqa ne qatysy bar?

NEF Qazaqstan kompanııasynyń quryltaıshysy ári basshysy Taryk Volkan Oskaıǵa izdeý jarııalandy. Aqparat Quqyqtyq statıstıka organdarynyń portalynda paıda boldy. Bul is 18 sáýirde Almatyda tirkelgen.

Túrkııanyń týmasy Taryk Volkan Oskaı Qaırat Boranbaevpen birge zańsyz satyp alynǵan aktıvterdi qaıtarý sheńberinde memleketke berilgenge deıin Comfort Hotel Astana qonaqúı keshenin baqylaǵan «Roıal Komfort Astana» kompanııasyna ıelik etken.

Oǵan qosa quryltaıshysy Boranbaev sanalatyn «Almaly» (Almaly Assets Management) aktıvterdi basqarý kompanııasynda jumys istegen.

Túrik kásipkeri ne úshin izdestirilip jatqany ázirge belgisiz.

Qaırat Boranbaev pen Taryk Volkan Oskaı birlesip ıelengen Comfort Hotel Astana qonaqúı kesheni byltyr jańa ıesin tapqan edi.

Qonaqúı «Invesco PowerShares Capital Management» JShS-niń senimgerlik basqarýyna, ıaǵnı amerıkalyq Invesco PowerShares kompanııasynyń qazaqstandyq ókildigine berildi.

NEF Qazaqstan týraly

Aıta keteıik, NEF Qazaqstan kompanııasy túrkııalyq NEF qurylys holdınginiń quramyna kiredi.

2023 jyly kúzde NEF Qazaqstan kompanııasy Astana International Exchange (AIX) alańynda defortqa ushyraǵan bolatyn. Kompanııa 4 mlrd teńge kólemindegi negizgi qaryz ben 402 mln teńgeden asa kýpondyq tólemdi óteı almaǵan.

Buǵan deıin bul qarjy Almaty qalasynda salynyp jatqan Green Center turǵyn úı keshenine jumsalǵany aıtyldy.