Jańalyqtar
Qaırat Boranbaevtyń inisi Murat Boranbaev asa iri kólemde aqsha jymqyrdy degen kúdikpen ustaldy
Foto: qamqor.gov.kz
Qarjy monıtorıngi agenttigi Qaırat Boranbaevtyń inisi kásipker Murat Boranbaevtyń ustalǵanyn málimdedi, dep jazdy qandastar.kz
Bul týraly Stan.kz aqparat agenttigi habarlaıdy.
2022 jyly qarjy monıtorıngi agenttigi kásipker Murat Boranbaevty izdeýge jarııalady. Ol Almatydaǵy aqyly avtoturaq boıynsha qozǵalǵan qylmystyq iste aıyptalýshy dep tanyldy. Iaǵnı asa iri kólemde memleket qarjysyn jymqyrdy degen kúdikke ilindi. Memlekettik satyp alý saıtynda Murat Boranbaevtyń 2017 jyly «Alan parkıng» JShS basshysy bolyp tirkelgeni týraly aqparat jarııalanǵan.
2022 jyldyń sáýirinde osy kompanııanyń dırektory Muhtar Bazarbaevtyń qamaýǵa alynǵany jarııalanyp, kóp uzamaı «Almaty Spetehparkıng Servıs» JShS dırektory Marat Pirinbekov qamaýǵa alyndy.
О́tken jyldyń jeltoqsan aıynda Qaırat Boranbaevqa tıesili RR2 kompanııasy Alan Parking akııalarynyń 30%-yn satyp aldy. Buǵan deıin aqyly avtoturaqtardyń operatory memleketke tıesili bolǵan.
Keıin Almaty ákimdigi «Almaty Spetehparkıng Servıs» seriktestiginiń 70% akııasy men «Alan parkıng» kompanııasynyń 100% qala menshigine qaıtarylǵanyn habarlady.
О́tken jyldyń kúzinde Murat Boranbaev halyqaralyq izdeýde bolǵan. Ol kezde agenttiktiń ekonomıkalyq tergeý qyzmeti asa iri kólemde memleket qarjysyn urlaý faktisi boıynsha sotqa deıingi tergeý júrgizip jatqanyn habarlady.
«Qarjy monıtorıngi agenttigi Murat Boranbaevtyń ustalýyna baılanysty 2024 jyldyń 24 jeltoqsanynda izdestirý jumystary toqtatylǵanyn habarlaıdy», – delingen habarlamada.
Eske salaıyq, buǵan deıin Qaırat Boranbaevtyń «QazTransGaz» AQ-nyń aqshasyn jymqyrǵany úshin 6 jylǵa sottalǵany týraly jazǵan edik. Keıin memleket menshigine saýda oıyn-saýyq keshenin, jyljymaıtyn múlikti basqarý kompanııasyn jáne fıtnes klýbtar jelisin qaıtardy. Zalaldy óteýine baılanysty sot onyń ótinishin qanaǵattandyryp, Boranbaev túrmeden bosatylyp, probaııalyq baqylaýǵa alyndy.
