«قايرات» قۇراماسى «رەالمەن» بولاتىن ويىننىڭ بيلەتتەرىن ساتىپ جاتقاندارعا سەنبەۋگە شاقىردى

فوتو: “قايرات” فك

“قايرات” فۋتبول كلۋبى “رەال مادريدكە” قارسى چەمپيوندار ليگاسى ماتچىنىڭ بيلەتتەرى تۋرالى الەۋمەتتىك جەلىلەردە تاراعان اقپاراتقا بايلانىستى رەسمي مالىمدەمە جاسادى, دەپ جازدى qandastar.kz

بۇل تۋرالى Stan.kzاقپارات اگەنتتىگى حابارلايدى.

كلۋب وكىلدەرى بيلەتتەردى برونداۋ نەمەسە ساتۋ تۋرالى تارالعان حابارلاندىرۋلاردىڭ جالعان ەكەنىن ايتتى.

“بيلەتكە قاتىستى جالعىز رەسمي دەرەككوزدەر — كلۋبتىڭ رەسمي سايتى مەن “قايرات” فك-نىڭ الەۋمەتتىك جەلىدەگى رەسمي پاراقشالارى. قازىر بيلەتتىڭ ساتىلىمعا شىعۋ كۇنى مەن باعاسى بەكىتىلگەن جوق. جانكۇيەرلەردەن بوگدە حابارلاندىرۋلارعا سەنبەۋلەرىن جانە بيلەتتى بەيرەسمي ارنالار ارقىلى ساتىپ الماۋلارىن قاتاڭ تۇردە سۇرايمىز”, — دەپ حابارلادى كلۋبتىڭ ءباسپاسوز قىزمەتى.

ەسكە سالايىق, بۇعان دەيىن 30 قىركۇيەك كۇنى وتەتىن “قايرات – رەال مادريد” ويىنىنا بيلەتتەردىڭ باعاسى 236 مىڭنان باستالىپ ساتىلىپ جاتقانىتۋراى جازعان ەدىك.