قايرات نۇرتاس بوستاندىققا شىقتى

فوتو: Stan.kz

ۇشاقتا توبەلەس شىعارعانى ءۇشىن 15 تاۋلىككە قامالعان ءانشى قايرات نۇرتاس 20 شىلدەگە قاراعان ءتۇنى بوستاندىققا شىقتى. بۇل تۋرالى Stan.kz اقپارات اگەنتتىگى حابارلايدى.

ونى اتا-اناسى گۇلزيرا ايداربەكوۆا مەن نۇرتاس ايداربەكوۆ كۇتىپ الدى. ولار  ۇلى ءۇشىن ارنايى الماتىدان كەلگەن. جەلىدە تاراعان ۆيدەودان ايداربەكوۆتەردىڭ تۇڭعىشىن قاتتى قۇشاقتاپ, كوز جاسىنا ەرىك بەرگەنىن كورۋگە بولادى.

ءانشى جاقىندارىن كورگەن سوڭ, بىردەن كولىگىنە وتىرىپ كەتىپ قالعان. دەگەنمەن ول ءوزىنىڭ جاعدايىنا قاتىستى پىكىر ءبىلدىرىپ ۇلگەردى.

«دەنساۋلىعىم ءبارى جاقسى شۇكىر. راقمەت», – دەپ قىسقا قايىردى ونەر يەسى. .

اناسى گۇلزيرا ايداربەكوۆا دا قۋانىشىن جاسىرمادى.

«قۋانىشتىمىن. ەشبىر انانى بالامەن سىناماسىن. ءبارىن اللاعا تاپسىرايىق. ءبارى جاقسى بولسىن», – دەدى پروديۋسەر.

ەسكە سالايىق, 5 شىلدەدە قايرات نۇرتاس 15 تاۋلىككە قاماۋعا الىنعان بولاتىن.

قايرات نۇرتاسقا اكىمشىلىك قۇقىق بۇزۋشىلىق تۋرالى كودەكستىڭ 434-بابىنىڭ 2-بولىگى (جىل ىشىندە قايتالاپ جاسالعان ۇساق بۇزاقىلىق) جانە اكىمشىلىك قۇقىق بۇزۋشىلىق تۋرالى كودەكستىڭ 73-بابىنىڭ 1-1-بولىگى (دەنساۋلىققا قاساقانا جەڭىل زيان كەلتىرۋ) بويىنشا ايىپ تاعىلدى.