Qaırat Nurtas: «Men jábirlenýshimin!»

Astanada Qaırat Nurtasqa qatysty baptar boıynsha sot proesi bastaldy. Ánshiniń ózi sotqa onlaın qatysyp, ózin jábirlenýshimin dep jarııalady, dep habarlaıdy qandastar.kz. Stan.kz silteme jasap.

Sotta Ákimshilik quqyq buzýshylyq kodeksi 434-babynyń 2-bóligi («Usaq buzaqylyq bir jyl ishinde qaıtalap jasalǵan») boıynsha is qaraldy.

Sot barysynda Qaırat Nurtastyń resmı ókili bolyp inisi Aıan Nurtas pen anasy Gúlzıra Aıdarbekova qatysty.

«Men urǵan joqpyn, áýeli meni soqqyǵa jyqty» degen Qaırat Nurtas qarsy aryzdy ózi bermekshi ekenin aıtyp, janjaldyń neden bastalǵanyn eske aldy.

«Ol ekeýmiz dos bolǵanbyz. Tórtinshi shildede toıǵa shaqyrdy. Men barýdan bas tartyp, balaǵat sózder aıttym. Al ol barmasań, aıaǵyma jyǵyl dedi. Sosyn meni basymnan alyp, birinshi bolyp urdy. Sosyn men de urdym. Biraq tártipti buzǵan joqpyn. Bul jerde men jábirlenýshimin. Ol birinshi bastady. Meni urǵannan keıin ǵana urdym. Jaraqatty bárimiz aldyq, eń bastysy tynysh otyrdyq qoı. Ushaqta kezdesip qalǵan kezde, meni birinshi urdy. Mende qarap turmaı, ony da bir-eki ret urdym. Bul jónindegi kinámdi tolyǵymen moıyndaımyn», – dedi Qaırat Nurtas.

Gúlzıra Aıdarbekovanyń aıtýynsha, Aslan esimdi er adammen balasy ekeýi burynnan jaqyn tanys ári dos ekenin málimdedi. Anasy balasyna sot tarapynan suraqtar qoımaýyn talap etti. Al Aslan esimdi jábirlenýshi óz tarapynan bylaı deıdi:

«Meni jerden alyp, jerge salyp boqtaǵan sózderi de bar. Tańerteń turyp ortaq dostarymyzǵa habarlasyp, ol nege meni boqtady, renjýli me dep suradym. 4 sáýir kúni jolǵa shyqtym, sol kezde ushaqta Qaıratty kórdim. Sosyn nege boqtadyń dep suradym. Meni bortserik alyp ketti. Sol kezde meni Qaırat urdy. Sosyn ekeýmiz ushaq ishinde eki jaqqa otyrdyq. Ushaqtan túsken soń polıııa ekeýmizdi alyp ketti», – dedi jábirlenýshi. 

Aslannyń aıtýynsha, bortserik Qaıratty emes, ony jibermeı ustap otyrǵan.

“Bortserik meni ǵana baılap ustady. Qaıratty halyqtyń balasy bolǵan soń qoldady ma, bilmedim? Meniń tarapymnan buzaqylyq boldy dep eseptemeımin. Qaırat tarapynan tártip buzýshylyq boldy dep esepteımin. Ánshi maǵan neshe túrli balaǵat sóz aıtty. Aıdarbekovke aryz-shaǵymym joq. Ákimshilik isti qysqartýdy suraımyn», – dedi jábirlenýshi. 

Gúlzıra Aıdarbekova janjalǵa uly da, jábirlenýshi de kináli dep sanaıdy. Ol ulyna qamaýǵa alýdyń ornyna ákimshilik aıyppul salýdy suraıdy. Ánshiniń gastroldik saparlary bar dep alǵa tartady.

Prokýror ánshi Qaırat Nurtasty 15 táýlikke qamaýdy surady.