قايرات نۇرتاس وتباسىلىق ومىرىنە قاتىستى سىردى اشتى

سۇحبات بارىسىندا ءلايلا سۇلتانقىزى «سەن جۇلدىزعا داۋىس كوتەرەسىڭ بە?» دەگەن سۇراق قويدى.

«ارينە ايقايلايمىن. بىراق قاتتى اشۋلانىپ ايقايلاي المايمىن. مەيىرىممەن ايقايلايمىن. بالامدى ۇرىپ, ايەلىمە قول كوتەرىپ قاتتى مىنەز كورسەتكەن ەمەسپىن. اشۋلانعان كەزدەر بولادى, بىراق سونداي قاتتى كەتكەن كەزدەر بولعان ەمەس», — دەيدى ول.

سۇحبات بارىسىندا ول وتباسىنداعى ۇساق-تۇيەك رەنىشتەردىڭ دە بولاتىنىن, اسىرەسە الەۋمەتتىك جەلىلەردەگى كەيبىر سۋرەتتەر سەبەپ بولاتىنىن جاسىرمادى. ءلايلا سۇلتانقىزىنىڭ «قانداي جاعدايدا ارالارىڭنان قارا مىسىق وتەدى?» دەگەن سۇراعىنا ول بىلاي دەپ جاۋاپ بەرەدى:

«وتە كوپ قوي. مىسالى ينستاگرامدا بىرەۋمەن قۇشاقتاسىپ سۋرەتكە ءتۇسىپ قالسا, مەن قىزدارمەن ءتۇسىپ قالسام, رەنىش بولادى. بىراق قازىر جۇلدىزدىڭ ەتى ۇيرەندى عوي. قازىر سابىرمەن قارايدى, ءبارىن تۇسىنەدى», — دەيدى ول.