جاڭالىقتار
قايرات نۇرتاس پەن ارگونياعا ەسىرتكى الۋعا كومەك بەرگەن قىز سوتتالىپ, انشىلەر بوستاندىقتا ءجۇر – زاڭگەر
فوتو: اشىق دەرەككوز
زاڭگەر ايمان وماروۆا ءوزىنىڭ جەلىدەگى پاراقشاسىندا ەسىرتكى ساتۋمەن اينالىسقان ايەلگە شىعارىلعان سوت ۇكىمىنە قاتىستى جازدى, دەپ حابارلايدى qandastar.kz KYN.KZ سايتىنا سىلتەمە جاساپ.
جازۋىنشا, 2020 جىلى گاۋھار مۇساعا اسا ءىرى كولەمدە ەسىرتكى ساتتى دەگەن ايىپ تاعىلعان. سوتتا بويجەتكەن ەسىرتكى ساتۋمەن اينالىسپاعانىن, بىراق ءانشى قايرات نۇرتاس پەن ارعىن اۋساروۆقا ەسىرتكى ساتىپ الۋعا كومەكتەسكەنىن مالىمدەگەن.
زاڭگەر بۇل مالىمدەمەدەن كەيىن سوت تەز ارادا «ساتۋ» دەگەن باپتى «ساقتاۋ» دەپ وزگەرتىپ, قىزدى نەبارى ءۇش جىلعا باس بوستاندىعىنان ايىردى دەپ وتىر.
ول انشىلەردى تۇرمەدەن قۇتقارۋ ءۇشىن وسىنداي شەشىم قابىلداندى دەۋگە تولىق نەگىز بار ەكەنىن جازادى. سوندىقتان سوتتالۋشىعا از جازا بەرىلگەن.
«تەرگەۋ بارىسىندا قىزدىڭ ۋاجدەرى اشىق ەسكەرىلمەدى. قر-نىڭ باس پروكۋراتۋراسى بۇل ءىستى قايتا قاراپ, سوڭىنا دەيىن جەتكىزۋگە ءتيىس. زاڭ الدىندا بارلىعى تەڭ. تۇسىنىكتەمەلەردە ۇكىم مەن جەكە سوت شەشىمى قوسا بەرىلگەن»,-دەپ جازادى ايمان وماروۆا.
