Qaırat Nurtas pen Argonıaǵa esirtki alýǵa kómek bergen qyz sottalyp, ánshiler bostandyqta júr – ZAŃGER

Foto: ashyq derekkóz

Zańger Aıman Omarova óziniń jelidegi paraqshasynda esirtki satýmen aınalysqan áıelge shyǵarylǵan sot úkimine qatysty jazdy, dep habarlaıdy qandastar.kz KYN.KZ saıtyna silteme jasap.

Jazýynsha, 2020 jyly Gaýhar Musaǵa asa iri kólemde esirtki satty degen aıyp taǵylǵan. Sotta boıjetken esirtki satýmen aınalyspaǵanyn, biraq ánshi Qaırat Nurtas pen Arǵyn Aýsarovqa esirtki satyp alýǵa kómekteskenin málimdegen.

Zańger bul málimdemeden keıin sot tez arada «satý» degen bapty «saqtaý» dep ózgertip, qyzdy nebári úsh jylǵa bas bostandyǵynan aıyrdy dep otyr.

Ol ánshilerdi túrmeden qutqarý úshin osyndaı sheshim qabyldandy deýge tolyq negiz bar ekenin jazady. Sondyqtan sottalýshyǵa az jaza berilgen.

«Tergeý barysynda qyzdyń ýájderi ashyq eskerilmedi. QR-nyń Bas prokýratýrasy bul isti qaıta qarap, sońyna deıin jetkizýge tıis. Zań aldynda barlyǵy teń. Túsiniktemelerde úkim men jeke sot sheshimi qosa berilgen»,-dep jazady Aıman Omarova.