Qaırat Nurtas pen Tursynbek Qabatov áýekompanııalardyń qara tizimine endi me?

vıdeo kadry

О́tken kúnderi belgili ártister Qaırat Nurtas pen Tursynbek Qabatovtyń ushaq bortyndaǵy minez-qulqyna qatysty oqıǵalar Qaznette qyzý talqylandy. Osyǵan baılanysty olar áýekompanııalardyń qara tizimine endi me degen suraq týyndaıdy. Tengritravel.kz jaǵdaıdy zerttep kórdi.

Air Astana áýekompanııasy jolaýshylardyń derbes derekterin berýge quqyǵy joq ekeni týraly aıtyp, qazaqstandyq shoý-bıznestiń belgili ókilderi qara tizimge engizildi me, joq pa bólispedi.

Buǵan deıin bıylǵy sáýirde áýe kóligimen tasymaldaýǵa shekteý qoıylǵan tulǵalardyń tizilimine qansha adam engizilgenin naqtylaǵan bolatynbyz. Materıal jarııalanǵan kezde bul tizimge 4 adam engizilgeni beligili boldy. Áýekompanııasy qazirgi ýaqytta qara tizimdegi jolaýshylar sanynda eshqandaı ózgeris bolmaǵanyn aıtty. Sáıkesinshe, sáýirden beri jaǵdaı ózgergen joq jáne ártister áýe qatynasy shektelgen tulǵalardyń tizilimine engizilmegen dep boljaýǵa bolady.

«78-1, 8-baptyń 8-tarmaǵyna sáıkes áýekompanııa áýe tasymaly shektelgen tulǵalar tizilimine engizilgen jolaýshynyń (jeke tulǵanyń) derbes derekterin úshinshi tulǵalarǵa berýge quqyly emes jáne «derbes derekter jáne olardy qorǵaý týraly» Qazaqstan Respýblıkasynyń Zańyna sáıkes osy tulǵalardyń qupııalylyǵyn qamtamasyz etedi. Búginde tirkeýde 4 adam bar», – dep habarlady áýekompanııasynyń baspasóz qyzmeti.

Biz bul aqparatty basqa áýekompanııa ókilderinen de suradyq. Qazaq Air ázirge birde-bir jolaýshy qara tizimge engizilmegenin aıtty. Scat-ta da osyndaı jaǵdaı.

Aıta ketý kerek, qara tizimge engizý sharalary borttaǵy barlyq jolaýshynyń qaýipsizdigi men jaılylyǵyn qamtamasyz etýge baǵyttalǵan. Kompanııa ókilderi jolaýshylardyń qaýipsizdigi men ál-aýqaty olar úshin birinshi kezektegi mindet ekenin jáne olardy qamtamasyz etý úshin qajetti sharalardy qabyldaýdy jalǵastyratynyn atap ótti.

Qara tizimde qaýipsizdik erejelerin buzyp, basqa jolaýshylarǵa qaýip tóndiretin jolaýshylardyń esimderi jazylatynyn aıta keteıik. Bul krıterııdi búkil álem boıynsha áýekompanııalar paıdalanady.