Qaırat Nurtas ushaqtaǵy tóbelestiń kesirinen qansha qarjysynan aıyryldy

Foto: ashyq derekkóz

Tanymal ánshiniń shyǵyny qansha boldy degen saýalǵa prodıýser Altynbek Rahmetov jaýap berdi, dep habarlaıdy Ozgeris.info.

Inform jazǵandaı, prodıýser qamaýǵa alynǵan óner adamdaryn halyq birjola jek kórip ketpeıtinin aıtty.

“Tursynbek qamaýdan shyqqan boıda úlken konert berdi. Konertterde qamaýǵa alynǵany týraly ázildep, kórermenderdiń qoshemetine bólendi. Bostandyqqa shyqqan soń Qaırat Nurtas pen Ábdijappar Álqoja da konert berse, zal lyq toly bolatynyna senimdimin. Usaq quqyqbuzýshylyqtary úshin halyq olardy jek kórip ketpeıdi”, – deıdi belgili prodıýser Altynbek Rahmetov.
Alaıda, Qaırat Nurtas 19 shildede Aqsý qalasy men Metallýrgter kúnine arnalǵan konertte óner kórsetýi kerek edi.

“Konerttiń uıymdastyrýshysy bolǵandyqtan, Qaırat Nurtas bul sharaǵa shyqqany úshin beriletin 5 mıllıon teńgeden qaǵyldy dep aıta alamyn. Onyń basqa konertterinen habarym joq. Keı ánshiler toı-tomalaqqa aptasyna bir ret barady. Keıbiri derlik ár qalada ótetin toılarǵa qatysady», – deıdi Rahmetov.
Toı uıymdastyrýshylardyń aıtýynsha, Qaırat Nurtastyń gonorary kem degende 2,5 mıllıon teńge. Tursynbek Qabatov toıda tostmeıster bolyp 10-15 myń dollar tabady.

Ábdijappar Álqoja buǵan deıingi suhbatynda qalamaqy kólemin aıtýdan bas tartqan edi.

“Meniń qalamaqym bireýler úshin az ǵana bolsa, bireýler úshin bir jyldyq jalaqy. Tólem somasyn aıtpaı-aq qoıaıyn. О́ıtkeni qoǵamda adamdardyń tabys deńgeıi ártúrli. Alym somasyn aıtsam, ol bireýge kóp nemese kerisinshe tym az bolyp kórinýi múmkin. Sondyqtan bul qupııa bolyp qalsyn», – dedi ánshi.

Aıta keteıik, buǵan deıin Tursynbek Qabatov ushaqta janjal shyǵarǵany úshin 5 táýlikke qamaýǵa alynǵan edi. Ázilkeshtiń izin ala Qaırat Nurtas ushaqta tóbelesip 15 táýlikke qamalǵan. Keıinnen ánshi Ábdijappar Álqoja polıııa qyzmetkerlerine baǵynbaǵany úshin Qonaevta ustalyp, 10 táýlikke qamalǵan edi.