جاڭالىقتار
قايرات ساتىبالدى 1,6 ملرد اقش دوللارىن مەملەكەتكە قايتاردى
فوتو: اباي.كز
ق.ساتىبالدى مەملەكەتكە 1,6 ملرد اقش دوللاردان استام م ۇلىكتىك اكتيۆتەر مەن اقشالاي قاراجاتتى قايتاردى.
بۇل تۋرالى سىبايلاس جەمقورلىققا قارسى ءىس-قيمىل اگەنتتىگى حابارلادى دەپ جازادى qandastar.kz
1,6 ملرد دوللاردىڭ 661,5 ملن دوللارى شەتەلدەن قازاقستانعا قايتارىلدى. اتاپ ايتار بولساق, قارجى مەن اكتيۆتەر, م ۇلىكتەر اۆستريا, ليحتەنشتەين, ءباا, تۇركيادان تابىلدى.
قايتارىلعان اكتيۆتەرگە اكىمشىلىك عيماراتتار, ەكسكليۋزيۆتى زەرگەرلىك بۇيىمدار, ليۋكس ۇيلەر, پاتەرلەر مەن اۆتوموبيلدەر, اكتسيالار مەن كومپانيالاردىڭ ۇلەستەرى, تەمىرجول جولدارى مەن اقشا قاراجاتتارى كىرەدى.
- 1. «قازاقتەلەكوم» اق اكتسيالارىنىڭ 28,8% – 93,8 ملرد تگ.
- 2. «كسو» اق – 30,2 ملرد تگ.
- 3. 4 كومپانياداعى قاتىسۋ ۇلەسى – 10,3 ملرد تگ.
- 4. قازاقستانداعى م ۇلىكتىك اكتيۆتەر – 158,5 ملرد تگ.
- 5. ەكسكليۋزيۆتى زەرگەرلىك بۇيىمدار – 105,39 ملرد تگ.
- 6. قازاقستاندىق شوتتارداعى اقشا – 36,8 ملرد تگ.
- 7. اۆستريادان كەلگەن اقشا – 36,8 ملرد تگ.
- 8. ليحتەنشتەيننەن تۇسكەن اقشا – 116,7 ملرد تگ.
- 9. ءباا-نەن كەلگەن اقشا – 6,3 ملرد تگ.
- 10. تۇركيادان كەلگەن اقشا – 2,2 ملرد تگ.
- 11. باعالى قاعازداردى ساتۋ – 135,8 ملرد تگ.
استانا جانە الماتى قالالارىندا مەملەكەتكە بەرىلگەن اكىمشىلىك عيماراتتاردىڭ جالپى اۋدانى 180 مىڭ شارشى مەتردەن اسادى. ليۋكس نىساندارىنىڭ ءبىرى – اقمولا وبلىسىنىڭ باراپ اۋىلىندا جالپى اۋدانى 1,5 مىڭ شارشى مەتر. ال قايرات ساتىبالدىنىڭ جەكە رەزيدەنتسياسى – استانا قالاسىنىڭ ءبىلىم باسقارماسىنا بەرىلدى.
ەسكە سالا كەتسەك, قايرات ساتىبالدىعا قارسى «قازاقتەلەكوم» اق, «كولىك سەرۆيس ورتالىعى» اق قاراجاتىن اسا ءىرى مولشەردە جىمقىرعانى, قىلمىستىق جولمەن الىنعان اقشانى جانە وزگە دە م ۇلىكتى زاڭداستىرعانى انىقتالدى. سونداي-اق, Orda.kz ونىڭ باقىلاۋىنداعى كومپانيانىڭ كەدەندىك باجداردى تولەۋدەن جالتارۋ فاكتىلەرى بويىنشا قىلمىستىق ءىس قوزعالعان بولاتىن.
