«Qaırat Satybaldynyń jaǵdaıy «neǵurlym kóp jeseń, soǵurlym az otyrasyń» degenge keledi» – Maqsat Tolyqbaı

Foto: ashyq derekkóz

Májilis depýtaty Maqsat Tolyqbaı Qaırat Satybaldynyń túrmeden shyǵýyna, oǵan qatysty úkimniń ózgerýine qatysty batyl pikir bildirdi, dep habarlaıdy qandastar.kz Alash.kz ulttyq portalyna silteme jasap.

«Azattyq» radıosynyń jýrnalısi Nurgúl Tapaeva vıdeo bólisip, jazba jarııalady:

Qaırat Satybaldy jazasynyń jeńildegeni neni bildiredi? Osy suraqpen “Jańa Qazaqstan” dep júrgen onnan asa depýtatqa habarlasyp, pikir suradym. Maqsat Tolyqbaı ǵana jaýap berdi ǵoı, – dedi jýrnalıst.  

Maqsat Tolyqbaı:

Soty satylatyn eldiń halqy da belgili bir deńgeıde jemqorlyqqa kóz juma qarady. Mysaly, keshegi Qaırat Satybaldynyń keshirim surap, bostandyqqa shyǵýyn qarańyzdarshy. Birdi-ekili post jazylǵany bolmasa, qoǵamda jappaı rezonans týǵyzdy dep siz aıta alasyz ba? Joq, aıta almaısyz. О́ıtkeni buǵan zańnyń ózi ruqsat berip tur. Aıyptaýda kórsetilgen shyǵyndy eselep memleketke qaıtaratyn bolsań, onda sen bosap shyǵasyń. Iaǵnı, «neǵurlym kóp jeseń, soǵurlym az otyrasyń» degen formýlaǵa keletin sııaqty, – dedi buǵan qatysty.