Qaırat Joldybaıuly: Bas múftı óz erkimen qyzmetinen ketýi tıis!

Foto: Aıqyn.kz

Kúni keshe otandyq BAQ-ta Qostanaı oblysynyń Bas ımamy Tájimbet Bahytbek Nurǵabylulynyń mas kúıinde kólik quralyn basqarǵany úshin 15 táýlikke qamalǵany týraly aqparat tarady. Artynsha QMDB ony qyzmetinen bosatty. Bul rette, jazýshy, ǵalym Qaırat Joldybaıuly pikir bildirdi, dep habarlaıdy Skifnews.kz aqparat portaly.

Ol ımamnyń yńǵaısyz jaǵdaıǵa tap bolýyna baılanysty oıyn ashyq jazdy.

«Eki kúnnen beri ishim alaı-dúleı. Bul uıatty jaǵdaıǵa sengim kelmeıdi. Bálkim, ádeıi uıymdastyrlǵan qastandyq shyǵar. Qymyzǵa ıakı basqa bir taǵamǵa bir nárse aralastyryp ádeıi ishkizip, sosyn arnaıy tapsyryspen ustatty ma eken? Eger ımamnyń ary taza bolsa, advokat jaldap, ózin qorǵaýy tıis. Al ras bolsa, onda bas múftı óz erkimen qyzmetinen ketýge tıis. QMDB túbegeıli refermolanýy shart», – dep Qaırat Joldybaıuly «Facbook-tegi» paraqshasynda jazdy.