«Qaırattyń» bas bapkeri kútpegen málimdeme jasady

«Qaırat» fýtbol klýbynyń bas bapkeri Rafael Orazbahtın Chempıondar lıgasynyń jalpy kezeńine ótkennen keıin komandany kútip turǵan Eýropa fýtbolynyń alpaýyttary týraly óz oıynshylaryna ne aıtqanymen bólisti, dep habarlaıdy Qandastar.kz.

«Chempıonat, kýbokty jeńip alý jáne Chempıondar lıgasynyń toptyq kezeńine ótý degen maqsat boldy . Biz bir tapsyrmany oryndadyq. Chempıondar lıgasynyń toptyq kezeńi dep oılamaǵan shyǵarmyz. Biz eń quryǵanda Konferenııa lıgasynda oınaǵymyz keledi dep oıladyq. Endi myna jeńisten keıin men jigitterge ómirde bári múmkin, tek sený kerek ekenin taǵy aıttym. Biz ol jaqqa joldama alǵanymyzǵa áli de sene almaımyz», — dedi Orazbahtın.

Sondaı-aq almatylyq komandanyń bas bapkeri Chempıondar lıgasynyń jalpy kezeńinde qandaı qarsylasty qalaıtynyn da aıtty.

«Men bul týraly armandaǵan da emespin. Biraq oıyn aldynda biz jigitterge jalpy topta bizdi kútip turǵan komandalardy kórsettik. Ol jerde tek iri klýbtar boldy. Jigitterge kórsetip, ol tizimdi basyp shyǵaryp, kıim aýystyratyn bólmege ilip qoıdyq. Jigitter kórip, motıvaııa alsyn dedim. Árıne, biz Chempıondar lıgasynyń toptyq kezeńinde eń ataqty klýbtarmen kezdeskimiz keledi. О́ıtkeni bul ómirde bir ret bolatyn shyǵar. Ári dese, bizde Glazgodaǵydaı stadıon bolsa, tipti tamasha», — dedi Orazbahtın.

Ol chempıonattyń deńgeıi joǵary bolsa, sáıkesinshe barlyq quramdas bólikter de jaqsaratynyn aıtty. Sonymen qatar, bas bapker Almatydaǵy stadıon alańyna, anyǵyraq aıtqanda, gazonnyń kúıine kóńili tolmaıtynyn jetkizdi.

«Alań sapasy nashar dep aıtýǵa bolady. Eger maýsymnyń basynda alań Qazaqstandaǵy eń myqtylardyń biri bolsa, qazir shynymdy aıtsam, olaı aıta almaımyn. Iá, bálkim, bul jeńiste alań bizge qandaı da bir jolmen kómektesken shyǵar, óıtkeni eger alań Glazgodaǵydaı sapada bolsa, dop óte jyldam qozǵalady, onda bizge qıynyraq bolar edi», — degen ol Seltık dopty baqylaýdy, jyldam pas oınaýdy unatatyn komanda ekenin eske saldy.

Orazbahtın alań sapasyna Djennıfer Lopestiń konerti áser etken bolýy múmkin ekenin astyrtyn jetkizdi.

«Múmkin osynda ótken konert biraz áser etken shyǵar. Men agronommen sóılestim, ol alańnyń on jyldan beri turǵanyn aıtty. Ony jaqynda qıyp, qaıtadan tóseý kerek. О́kinishke qaraı, buǵan deıin mundaı múmkindigi bolmady. Endi úsh aptalyq úzilis bolady, ol bir amalyn tabýǵa talpynyp kóredi. Biraq shóptiń shyǵýy úshin ýaqyt qajet», — dedi bas bapker.

Ol degenmen alańdardyń sapasyna nazar aýdarý kerek, óıtkeni Qazaqstandaǵy alańdardyń sapasy tómen ekenin málimdedi.

«Eger biz eýrokýboktarda jaqsy deńgeıde oınaǵymyz kelse, stadıondy da, alańdardy da jaqsartýymyz kerek. Bul ǵana emes, bizge kóp is atqarý kerek. Bul júıeli jumys, memlekettik deńgeıde bolýy kerek. Biz Glazgoda boldyq. Onda 50-60 myń orynǵa arnalǵan stadıon bar. Olarda apta saıyn, tipti aptasyna eki ret matchtar ótedi. Adamdar úshin bul qandaı mereke! Nege biz muny isteı almaımyz? Nege biz nashar alańdarda oınaýymyz kerek? Men bizdiń basshylardyń qaıda qarap otyrǵanyn bilmeımin. Bálkim, bizdiń jetistigimiz memleket fýtbolǵa, stadıondar men alańdardy damytýǵa kóńil bólýine qosymsha serpin berer. Solaı dep úmittenemiz», — dedi Orazbahtın.

Eske salaıyq, 26 tamyzda almatylyq «Qaırat» Chempıondar lıgasynyń pleı-off kezeńindegi matchta shotlandııalyq «Seltıkti» penaltıler serııasynda jeńip, tarıhta tuńǵysh ret Eýropadaǵy eń bedeldi klýbtyq týrnırdiń toptyq kezeńine joldama aldy.