«قايتىپ كەلگەن قىز جامان»: ساحنامەن قوشتاسقان تورەعالي ءوز تەلەجوباسىن تانىستىردى

ساحنامەن قوشتاسامىن دەگەن تورەعالي تورەالى جاڭا جوبانىڭ تىزگىنىن ۇستادى, — دەپ جازدى Qandastar.kz. 

بۇل تۋرالى ول جەلىدەگى پاراقشاسىندا جازدى.

«TORE SHOW — مەنىڭ جاڭا اۆتورلىق تەلەجوبام! بۇل كەشتە ءبارى بولادى: شىنايى ارناۋ, تەرەڭ سۇحبات, اسەرلى اندەر, ەرەكشە سيۋرپريزدەر.
كورەرمەندەر سانى — نەبارى 150 ادام. ەرەكشە اتموسفەرادا وتەتىن, تەك قوناقتارعا ارنالعان كەش», — دەدى ول.

ۇلى دالا بالاسى تەلەجوباسىنىڭ العاشقى شىعارىلىمىن وتكىزىپ تە ۇلگەرگەن.

«كوزدى اشىپ-جۇمعانشا — العاشقى TORE SHOW ءوتتى. بۇل — مەنىڭ شىعارماشىلىق جولىمداعى جاڭا بەلەس, جاڭا تىنىس. TORE SHOW — ارماننان تۋعان اقيقات. بىرىنشى باعدارلاما. ءبىرىنشى قوناق. جۇرەكتىڭ تورىنەن ورىن العان تۇلعا — نۇرلان يمام», — دەپ جازدى ول.

ءانشىنىڭ بۇل باستاماسىن قولداعانداردىڭ قاتارى كوپ. الايدا ونەردەن كەتەمىن دەگەن ءسوزىن ەسىنە سالىپ جاتقان تىڭدارماندارى دا از ەمەس.

«بولدى, ءبىتتى دەگەنىڭ جاي اڭگىمە بولعانى ما?», «نە بولدى? كەتكەنىڭنەن كەلگەنىڭ تەز بولدى عوي», «قايتىپ كەلگەن قىز جامان», دەپ جازىستى ولار.