«Qaıtyp kelgen qyz jaman»: Sahnamen qoshtasqan Tóreǵalı óz telejobasyn tanystyrdy

Sahnamen qoshtasamyn degen Tóreǵalı Tóreáli jańa jobanyń tizginin ustady, — dep jazdy Qandastar.kz. 

Bul týraly ol jelidegi paraqshasynda jazdy.

«TORE SHOW — meniń jańa avtorlyq telejobam! Bul keshte bári bolady: shynaıy arnaý, tereń suhbat, áserli ánder, erekshe sıýrprızder.
Kórermender sany — nebári 150 adam. Erekshe atmosferada ótetin, tek qonaqtarǵa arnalǵan kesh», — dedi ol.

Uly dala balasy telejobasynyń alǵashqy shyǵarylymyn ótkizip te úlgergen.

«Kózdi ashyp-jumǵansha — alǵashqy TORE SHOW ótti. Bul — meniń shyǵarmashylyq jolymdaǵy jańa beles, jańa tynys. TORE SHOW — armannan týǵan aqıqat. Birinshi baǵdarlama. Birinshi qonaq. Júrektiń tórinen oryn alǵan tulǵa — Nurlan Imam», — dep jazdy ol.

Ánshiniń bul bastamasyn qoldaǵandardyń qatary kóp. Alaıda ónerden ketemin degen sózin esine salyp jatqan tyńdarmandary da az emes.

«Boldy, bitti degeniń jaı áńgime bolǵany ma?», «Ne boldy? Ketkenińnen kelgeniń tez boldy ǵoı», «Qaıtyp kelgen qyz jaman», dep jazysty olar.