«Qaıtys bolǵan adamdy kilemmen kóteredi»: Sáken Maıǵazıevtiń kelininiń uzatý toıy qyzý talqyǵa tústi

Foto: skrın

Ánshi Sáken Maıǵazıevtiń uly Ádilet qalyńdyǵyn Aqtaýdan Almatyǵa uzatyp ákeldi. Alaıda qalyńdyqtyń kilemge otyryp uzatylǵany jelide qyzý talqyǵa tústi, dep habarlaıdy qandastar.kz Skifnews.kz-ke silteme jasap.

Qalyńdyq týǵandarymen qoshtasyp bolǵan soń aq kilemge jaıǵasty. Kilemniń tórt jaǵynan tórt jigit ustap, kóterip, qalyńdyqty kólikke deıin shyǵaryp saldy.

Jas kelinniń kilemge otyryp, uıasynan ushqanyn biri jaman yrym dep topshylasa, endi biri mundaı salttyń joǵyn aıtyp, jarysty.

“Kelindi Alladındeı ushyraıyn dedi me”, “Jasym 65-te, mundaıdy birinshi ret kórip turmyn. Eki jas qol ustasyp shyqsa keremet bolar edi”, “Jaman yrym sııaqty. Adam qaıtys bolǵanda kilemge orap, tórt adam kótermeı me?”, “O zamanda, bu zaman, tiri adamdy kilemge otyryǵyzyp shyǵarǵany nesi”, “Ońash kórinedi eken”, – dep jazdy jelidegiler.