Qaıtys bolǵan donor tórt adamnyń ómirin saqtap qaldy

Foto:University Medical Center

Qazaqstanda Kardıologııa jáne ishki aýrýlar ǵylymı-zertteý ınstıtýtynda júrek transplantaııasy boıynsha ota jasaldy. 6 saǵatqa sozylǵan kúrdeli operaııa University Medical Center-pen birlesip belgili kardıohırýrg Iýrıı Pıanyń jetekshiligimen jasaldy, – dep habarlaıdy qandastar.kz Densaýlyq saqtaý mınıstrligine silteme jasap.

Dárigerler mı ólimin anyqtaǵannan keıin, týystary qaıtys bolǵan Almaty oblysynyń týmasy 45 jastaǵy er adamnyń organdaryn alýǵa kelisim bergen. Sonyń arqasynda Qazaqstannyń 4 azamatynyń ómiri, olardyń arasynda «dılataııalyq kardıomıopatııa (ýytty)» kúrdeli júrek aýrýyna shaldyqqan 43 jastaǵy er adamnyń ómiri qutqaryldy. 5 jyl boıy energetıkalyq sýsyndardy shamadan tys tutynýy dári-dármek terapııasyn qabyldamaıtyn júrek qyzmeti jetkiliksizdiginiń sońǵy satysyna ákelgen.

Naýqasty azdaǵan dene kúshinen aýa jetispeýi, 50 metr júrgennen keıin entigý, qalypty jaǵdaıda, jatqan kezde entigýdiń joǵarylaýy, tez sharshaý jáne jalpy álsizdik mazalaǵan. Jaǵdaıynyń nasharlaýy 2023 jyldyń jeltoqsanynan bastap baıqala bastady.

«Elimizde kardıohırýrgııa men kardıoreanımaııanyń damý deńgeıi júrekti transplantaııalaý operaııalarynda oń nátıjelerge qol jetkizýge múmkindik beredi. Iýrıı Vladımırovıch bastaǵan UMC komandasyna kómek pen qoldaý kórsetkeni úshin alǵysymyz sheksiz. Organdardy transplantaııalaý boıynsha operaııalar medıına qyzmetkerleriniń joǵary biliktiligin talap etedi», – deıdi Kardıologııa jáne ishki aýrýlar ǴZI Basqarma tóraǵasy Marat Pashımov.

Marat Orynbasaruly donordyń týystaryna da alǵysyn bildirdi: «Donorlyqqa óz erkimen kelisim berý, adamdardyń ómirin saqtap qalýǵa daıyn bolý – adamgershilik pen meıirimdiliktiń úlgisi. Organdardy alýǵa kelisim bergen donordyń týystarynyń ıgi isi zor qurmetke ıe.

Instıtýttyń kardıohırýrgııa bólimshesiniń meńgerýshisi Rústem Tóleýtaev: «Júrekti transplantaııalaý – kúrdeli operaııalardyń biri, alaıda bizdiń alǵan tájirıbemiz, daǵdylarymyz, klınıkamyzdyń tehnıkalyq jaraqtandyrylýy ony joǵary deńgeıde oryndaýǵa múmkindik beredi», – dep atap ótti.

Aıta ketý kerek, donordan eki búırek, ókpe, sonymen qatar kóz qabyǵy alyndy. Búırek Jetisý oblysynyń turǵyny 17 jastaǵy naýqasqa A. Syzǵanov atyndaǵy Ulttyq hırýrgııa ǵylymı ortalyǵynda jáne astanalyq 18 jastaǵy paıentke University Medical Center-de transplantaııalandy, ókpe – «UMC-te qostanaılyq 43 jastaǵy paıentke, kóz qabyǵy keratoplastıkasy – eki reıpıentke transplantaııalandy.

Aıta keteıik, Qazaqstanda 2025 jylǵy 10 qańtarda júrek transplantaııasyn kútý paraǵynda 140 eresek adam jáne 5 bala tur.