جاڭالىقتار
كاليفورنيادا التى ادام مىنگەن جەڭىل موتورلى ۇشاق اپاتقا ۇشىرادى
Cessna 414 ماركالى جەڭىل موتورلى ۇشاق كاليفورنيا شتاتىنىڭ سان-ديەگو قالاسى ماڭىنداعى سۋ ايدىنىنا قۇلادى. بۇل تۋرالى اقش جاعالاۋ كۇزەتىنىڭ ءباسپاسوز قىزمەتىنەن ءمالىم ەتتى, دەپ حابارلايدى Qandastar.kz اقپارات پورتالى Reuters اگەنتتىگىنە سىلتەمە جاساپ.
ۇشاقتا التى ادام بولعانى انىقتالدى. اپات پوينت لوما اۋدانىنىڭ باتىسىنان شامامەن 4,8 شاقىرىم قاشىقتىقتا تىركەلگەن. ىزدەستىرۋ-قۇتقارۋ جۇمىستارىنا جاعالاۋ كۇزەتىمەن بىرگە كەدەن, شەكارا قىزمەتى جانە سان-ديەگو قالاسىنىڭ پوليتسياسى قاتىسىپ جاتىر.
بولجام بويىنشا, اپات ورنىنىڭ تەرەڭدىگى 61 مەترگە جۋىق. ۇلتتىق كولىك قاۋىپسىزدىگى كەڭەسى اپاتتىڭ سەبەپتەرىن زەرتتەۋدى باستادى.
