الەم جاڭالىقتارى
كاليفورنياداعى ورتكە كۇدىكتى ۇستالدى
فوتو: Justin Sullivan
كاليفورنيادا ورمان ءورتى جالعاسۋدا. بۇگىندە قىزىل جالىن تابيعات اياسىن عانا ەمەس, عيماراتتاردى دا شارپۋدا, دەپ حابارلايدى qandastar.kz
Sky News دەرەگىنشە, 2025 جىلعى 10 قاڭتاردا تاڭەرتەگى جاعداي بويىنشا كاليفورنيادا بەس ءورت الاڭى وقشاۋلاندى.
جەرگىلىكتى تۇرعىندار سوڭعى ءورت شىققان ايماققا جاقىن جەردە جۇرگەن كۇدىكتىنى ۇستاعان. لوس-اندجەلەس پوليتسيا دەپارتامەنتىنىڭ تەرگەۋشىلەرى ونىڭ ىسكە قاتىسى بار-جوقتىعىن انىقتايدى. ۇستالعان ادام قاماۋعا الىندى.
لوس-اندجەلەس وكرۋگىنىڭ پروكۋرورى ناتان حوحمان قىلمىسكەرگە كىسى ولتىرۋمەن جانە ءومىر بويىنا باس بوستاندىعىنان ايىرۋمەن سالىستىرۋعا بولاتىن جازا قولدانىلۋى مۇمكىن دەپ مالىمدەدى.
«ادىلەتتىلىك تەز ورنايدى. وعان ەڭ قاتال جازا قولدانىلادى»,- دەدى حوحمان.
سونىمەن قاتار,قىزىل جالىننان قازا تاپقاندار سانى 10 ادامعا دەيىن ءوستى. ولاردىڭ جەكە باسى ءالى انىقتالعان جوق.
