Qalyń maly — 10 mıllıon: Qazaq qyzynyń uzatýdaǵy vıdeosy jelini shýlatty

Jelide qazaq qyzynyń qalyń malyna 10 mıllıon teńge bergen arab jigitiniń vıdeosyn jelini shýlatty, dep habarlaıdy qandastar.kz.

Vıdeony belgili jýrnalıst Gúlmıra Abyqaı Instagram-paraqshasyna júktedi. Kadrda arabsha kıingen er adamnyń qalyńdyqtyń anasyna syrtynda 10 mıllıon teńge dep jazylǵan qaltany kórýge bolady. Qyzdyń anasy oǵan basyn ıip, alǵysyn jaýdyrǵan.

Al jelidegiler arabqa turmysqa shyǵyp jatqan qazaq qyzyna renjip, pikir bildirgen.

«Arabtyń aldynda máz bolǵan qazaq de. «Bularǵa aqsha bolsa boldy» deıtin shyǵar arabtar. Olarǵa 10 mıllıon túk emes qoı. Tek qyzdyń erteńi ne bolady, sony oılaý kerek?», «100 mıllıon berse de, qyzymdy bermes edim. Sosyn óligin tappaı qalasyń. 10 mıllıon úshin basymdy da ımes edim. Qursyn, kóz aldyńda júrgenge ne jetsin, sonaý el aspaı», «Anasy ne máz bolyp tur?», «Oıbý, baıǵus-aı, aqsha kórmegendeı», «Qyzyn berip otyr, nege basyn ıedi?», «Men namyssyzdyqtan basqa dym kórip turǵan joqpyn!», «Qursyn, anasy qyzyn satqanyna máz ǵoı, sabyrmen alýǵa bolady ǵoı», «10 mıllıon úshin anasy ıilip sálem berip ketti-aý», — dep jazǵan olar.

Odan keıin qalyńdyqtyń da jaýaby jarııalandy.

«Aınalaıyn, ósekshi qazaǵym. Bul vıdeonyń túsirilgenine 2 jyldas asty. Allaǵa shúkir, baqytty ómir súrip jatyrmyz. Ata-anam týraly jaman jazýdyń, qarǵaýdyń qajeti joq. О́zderiń de bala-shaǵa ósirip otyrsyńdar, qarǵystaryń ózderińe aınalyp keledi, aýyz meniki dep kóp ottaı bermeńder. Osyndaı pikir qaldyratyn qazaqtar turǵanda, jaý da kerek emes eken», — dep jaýap beripti qalyńdyq.