«قالىپتى قۇبىلىس»: ۇلتتىق بانك توراعاسى ءرۋبلدىڭ قىمباتتاۋىنا قاتىستى پىكىر ءبىلدىردى

ۇلتتىق بانك توراعاسى تيمۋر سۇلەيمەنوۆ رۋبلدىڭ قۇنسىزدانۋى تەڭگەنى قۇلدىراتپاي ما دەگەن سۇراققا جاۋاپ بەردى,-دەپ حابارلايدى Qandastar.kz

تيمۋر سۇلەيمەنوۆتىڭ سوزىنشە, رۋبلدى كونۆەرتاتسيالاۋعا شەكتەۋ بولمايدى. «شەكتەۋدىڭ قاجەتى جوق. ويتكەنى ءبىز كورىپ وتىرعان قۇبىلىس ءبىر-ەكى پايىز. مەنىڭشە, ەشقانداي قاجەتتىلىك جوق. ىشكى نارىقتاعى باعا وزگەرمەيدى.

كۋرس 1 پايىز السىرەيدى, 1 پايىز كۇشەيەدى. مۇنداي قۇبىلىستارعا كوڭىل اۋدارۋ قاجەت ەمەس. بۇل نارىقتاعى قالىپتى قۇبىلىس», – دەدى ۇلتتىق بانك باسشىسى. ايىرباستاۋ پۋنكتتەرىندە نەمەسە بانكتە ەشقانداي دۇربەلەڭ جوق. ءرۋبلدىڭ قۇنسىزدانۋىنىڭ تەڭگەگە اسەرى قانداي ەكەنىن ايتتى. «وزدەرىڭىز كورىپ وتىرعانداي, ءرۋبلدىڭ تەڭگەگە باعامى 5,2 تەڭگە. تەڭگەمىز ءسال السىرەدى. بۇل ءبىزدىڭ ەكسپورتقا شىعاتىن وندىرۋشىلەر ءۇشىن ءتيىمدى قۇبىلىس.

ىشكى نارىقتا دا, سىرتقى نارىقتا دا باسەكەگە قابىلەتتىرەك بولادى», – دەدى ول. ايتا كەتەيىك, قازاقستاننىڭ ۇلتتىق بانكىنىڭ بۇگىنگە, 21 ماۋسىمعا بەلگىلەگەن ۆاليۋتالار باعامىنا سايكەس, 1 ءرۋبلدىڭ قۇنى 5,38 تەڭگەگە جەتتى. ءوز كەزەگىندە ايىرباستاۋ بەكەتتەرى رف اقشاسى 5,5 تەڭگەگە دەيىن ساتۋدا.