«قامالاتىن كۇنىڭ جاقىن»: ءانشى Argonya-نىڭ ساحناعا ماس بولىپ شىققان ۆيدەوسى تارادى

فوتو: https://www.instagram.com/argonyaa/

حالىق تانىمال ءانشى Argonya-نىڭ ساحناعا ماس كۇيىندە شىققانىنا اشۋلاندى. بۇل تۋرالى Stan.kz اقپارات اگەنتتىگى حابارلايدى.

TikTok جەلىسىندە ەكىباستۇز قالاسىنداعى كونتسەرتتە ءانشىنىڭ ساحنادا تۇرىپ, بالاعات ءسوز ايتقانىن دا تىڭدارمان قاۋىم ۆيدەوعا ءتۇسىرىپ العان.

جەلى قولدانۋشىلارى ونى بەيادەپ سوزدەرى ءۇشىن جاۋاپقا تارتۋدى سۇراپ وتىر.

سوڭعى كەزدە ونەر جۇلدىزدارىنىڭ قوعامدا تارتىپسىزدىك جاساۋى بەلەڭ الىپ تۇر. ونى وقىرمان قاۋىم دا بايقاپ, مادەنيەت مينيسترلىگىنە ۇندەۋ جاسادى.

«قايرات قانشا جەردەن قامالسا دا, ساحناعا ماس بولىپ شىقپاعان», «قامالاتىن كۇنىڭ جاقىن», «شەتەلدە بۇل قالىپتى جاعداي بولعانىمەن, قازاق قوعامى ءۇشىن ۇيات», «مىناداي ونەر ادامدارىن قۇرتۋ كەرەك», «وسىلاردى كورۋگە بارعان حالىق اقىماق», «سول قالانىڭ ماسكۇنەم تۇرعىنى سياقتى», «مادەنيەت مينيسترلىگى قايدا قاراپ وتىر», – دەپ جازىپ جاتىر كوپشىلىك.

ەسكە سالايىق, «ادام بولعان سوڭ قاتەلەسۋىڭ مۇمكىن» دەپ مينيستر ايدا بالاەۆا ونەر ادامدارىنىڭ قاماۋعا الىنۋىنا قاتىستى پىكىر بىلدىرگەن ەدى.