«Qamalatyn kúniń jaqyn»: Ánshi Argonya-nyń sahnaǵa mas bolyp shyqqan vıdeosy tarady

Foto: https://www.instagram.com/argonyaa/

Halyq tanymal ánshi Argonya-nyń sahnaǵa mas kúıinde shyqqanyna ashýlandy. Bul týraly Stan.kz aqparat agenttigi habarlaıdy.

TikTok jelisinde Ekibastuz qalasyndaǵy konertte ánshiniń sahnada turyp, balaǵat sóz aıtqanyn da tyńdarman qaýym vıdeoǵa túsirip alǵan.

Jeli qoldanýshylary ony beıádep sózderi úshin jaýapqa tartýdy surap otyr.

Sońǵy kezde óner juldyzdarynyń qoǵamda tártipsizdik jasaýy beleń alyp tur. Ony oqyrman qaýym da baıqap, mádenıet mınıstrligine úndeý jasady.

«Qaırat qansha jerden qamalsa da, sahnaǵa mas bolyp shyqpaǵan», «Qamalatyn kúniń jaqyn», «Shetelde bul qalypty jaǵdaı bolǵanymen, qazaq qoǵamy úshin uıat», «Mynadaı óner adamdaryn qurtý kerek», «Osylardy kórýge barǵan halyq aqymaq», «Sol qalanyń maskúnem turǵyny sııaqty», «Mádenıet mınıstrligi qaıda qarap otyr», – dep jazyp jatyr kópshilik.

Eske salaıyq, «Adam bolǵan soń qatelesýiń múmkin» dep mınıstr Aıda Balaeva óner adamdarynyń qamaýǵa alynýyna qatysty pikir bildirgen edi.