Qamaýdan shyqqan Almas Kishkenbaev alǵash ret pikir bildirdi

foto:Skrın

Tanymal qazaqstandyq ánshi Almas Kishkenbaev bostandyqqa shyqqannan keıin alǵash ret óz jaǵdaıyna qatysty pikir bildirdi, dep habarlaıdy qandastar.kz

Ánshi ózin qoldaǵan barsha janǵa alǵys aıtyp, keıbir adamdardyń bul jaǵdaıdy óz paıdasyna paıdalanýǵa tyrysqanyn atap ótti. Sondaı-aq sot sheshimine qaramastan, ózine taǵylǵan aıyppen kelispeıtinin málimdedi.

«Bári aıaqtalǵan soń aqparatty ózim bereıin dep oılaǵan edim. Barlyǵy jarysa jazypty. Jaraıdy. Birinshiden, osyndaı qıyn jaǵdaıda maǵan qoldaý bildirgen jandardyń barlyǵyna alǵysymdy bildirgim keledi. Qoldaý bildirgen jandar qanshalyqty bolsa, reıtıng jınaǵan, haıp qýǵan jandar da jetkilikti boldy. Barlyǵy qudaıǵa shúkir aıaqtaldy. Sottyń sheshimi bar. Men zańnan bıik emespin. Zańǵa baǵynam. Biraq maǵan taǵylǵan aıyppen kelisken emespin. Kelispeımin de. Bári qudaıǵa shúkir aıaqtaldy. Maǵan budan bylaı bul aqparat jóninde suraq qoımasańyzdar bolady. Osy jerden ózim núktesin qoıaıyn. Aıtarym osy. Aman bolyńyzdar», – dedi Almas Kishkenbaev jelidegi paraqshasynda.