كامەلەتكە تولماعان جانە ارەكەتكە قابىلەتسىز ادامدار اتىنان ءوتىنىشحات بەرۋ

18 جاسقا تولماعان بالالارعا, سونداي-اق ارەكەتكە قابىلەتسىز دەپ تانىلعان ازاماتتارعا قاتىستى ازاماتتىققا قابىلداۋ تۋرالى نوتاريالدىق كۋالاندىرىلعان ءوتىنىشحات ولاردىڭ زاڭدى وكىلدەرىمەن  بەرىلەدى. وتىنىشكە بالانىڭ تۋ تۋرالى كۋالىگىنىڭ كوشىرمەسى, ارەكەتكە قابىلەتسىزدىگىن راستايتىن قۇجات جانە ارەكەتكە قابىلەتسىز ادامنىڭ زاڭدى وكىلىنىڭ وكىلەتتىكتەرىن راستايتىن قۇجات قوسا تىركەلەدى.  14 پەن 18 جاس ارالىعىنداعى بالا ءۇشىن ونىڭ ءوزىنىڭ قولى قويىلعان جانە نوتاريالدى كۋالاندىرىلعان جەكە كەلىسىم تالاپ ەتىلەدى. ىشكى ىستەر ورگاندارىنىڭ قازاقستان رەسپۋبليكاسى ازاماتتىعىنا قابىلداۋ بويىنشا ءوتىنىشحاتتاردى (وتىنىشتەردى) قابىلداۋ, رەسىمدەۋ جانە قاراۋ قاعيدالارىنىڭ 2 تاراۋدىڭ 11 تارماعىنا سايكەس, جەرگىلىكتى ىشكى ىستەر جانە ۇلتتىق قاۋىپسىزدىك ورگاندارىندا, قازاقستان رەسپۋبليكاسى ءىىم-دە جانە قازاقستان رەسپۋبليكاسىنىڭ باسقا دا مەملەكەتتىك ورگاندارىنىڭ ءوتىنىشحاتتى ء(وتىنىشتى) قاراۋ مەرزىمى وسى ورگانداردىڭ ارقايسىسىندا ءبىر ايدان, ال جالپى العاندا – التى ايدان اسپاۋى ءتيىس.
ءىىد قازاقستان رەسپۋبليكاسى پرەزيدەنتىنىڭ جارلىعىن العاننان كەيىن قالالىق, اۋداندىق ىشكى ىستەر ورگاندارى ارقىلى ءوتىنىش يەلەرىنىڭ تۇرعىلىقتى جەرى بويىنشا كۇنتىزبەلىك بەس كۇن مەرزىمىندە ولارعا قارالعان ءوتىنىشحاتتاردىڭ (وتىنىشتەردىڭ) ناتيجەلەرى تۋرالى حاباردار ەتەدى.
شەتەلدىكتەرگە جانە قازاقستان رەسپۋبليكاسىنىڭ ازاماتتىعىنا قابىلدانعان ازاماتتىعى جوق ادامدارعا  انىقتاما بەرىلەدى, ول ولارعا بەلگىلەنگەن تارتىپتە قازاقستان رەسپۋبليكاسى ازاماتىنىڭ جەكە كۋالىگىن نەمەسە پاسپورتىن بەرۋ ءۇشىن نەگىزى بولىپ تابىلادى.