Kámeletke tolmaǵan jáne áreketke qabiletsiz adamdar atynan ótinishhat berý

18 jasqa tolmaǵan balalarǵa, sondaı-aq áreketke qabiletsiz dep tanylǵan azamattarǵa qatysty azamattyqqa qabyldaý týraly notarıaldyq kýálandyrylǵan ótinishhat olardyń zańdy ókilderimen  beriledi. О́tinishke balanyń týý týraly kýáliginiń kóshirmesi, áreketke qabiletsizdigin rastaıtyn qujat jáne áreketke qabiletsiz adamnyń zańdy ókiliniń ókilettikterin rastaıtyn qujat qosa tirkeledi.  14 pen 18 jas aralyǵyndaǵy bala úshin onyń óziniń qoly qoıylǵan jáne notarıaldy kýálandyrylǵan jeke kelisim talap etiledi. Ishki ister organdarynyń Qazaqstan Respýblıkasy azamattyǵyna qabyldaý boıynsha ótinishhattardy (ótinishterdi) qabyldaý, resimdeý jáne qaraý qaǵıdalarynyń 2 taraýdyń 11 tarmaǵyna sáıkes, jergilikti ishki ister jáne ulttyq qaýipsizdik organdarynda, Qazaqstan Respýblıkasy IIM-de jáne Qazaqstan Respýblıkasynyń basqa da memlekettik organdarynyń ótinishhatty (ótinishti) qaraý merzimi osy organdardyń árqaısysynda bir aıdan, al jalpy alǵanda – alty aıdan aspaýy tıis.
IID Qazaqstan Respýblıkasy Prezıdentiniń Jarlyǵyn alǵannan keıin qalalyq, aýdandyq ishki ister organdary arqyly ótinish ıeleriniń turǵylyqty jeri boıynsha kúntizbelik bes kún merziminde olarǵa qaralǵan ótinishhattardyń (ótinishterdiń) nátıjeleri týraly habardar etedi.
Sheteldikterge jáne Qazaqstan Respýblıkasynyń azamattyǵyna qabyldanǵan azamattyǵy joq adamdarǵa  anyqtama beriledi, ol olarǵa belgilengen tártipte Qazaqstan Respýblıkasy azamatynyń jeke kýáligin nemese pasportyn berý úshin negizi bolyp tabylady.